1 Nokuti Ishe vachanzwira Jakobo tsitsi, uye ^avagosarudzazve Israeri, vagovaisa munyika mavo; uye ^bvatorwa vachasanganiswa navo, uye vagonamatira kuimba yaJakobo.

2 Uye ^avanhu vachavatora vovaisa kunzvimbo dzavo; hongu, kubva kure kumagumo enyika; vagodzokera ^bkunyika dzavo dzechipikirwa. Uye imba yaIsraeri ndiyo ichave varidzi vadzo, uye nyika yaIshe ichave ^cyevaranda nevarandakadzi; uye vachatapa avo vakange vavatapa; vagotonga vaivadzvinyirira.

3 Uye zvichaitika kuti muzuva iroro Ishe vachakupai ^azororo, mukusuwa kwenyu, nemukutya menyu, nemumajoto amakange makasungwa nawo.

4 Uye zvichaitika muzuva iroro, kuti muchatora tsumo iyi muchirwisa mambo ^aweBabironi, muchiti: Ko mudzvinyiriri apera sei, neguta regoridhe rapera sei!

5 Ishe vatyora mubhadha wowakaipa, netsvimbo dzeushe dzevatongi.

6 Iye akarova vanhu nehasha neshamhu isingaperi, uyo akatonga marudzi nehasha, anotambudzwa, uye hapana anomudzivirira.

7 Pasi pose pakazorora, uye panyerere; vanovamba ^akuimba.

8 Hongu, ^amiti-yemisaipurasi inokufarira iwe, nemisidhari yeRebanoni, ichiti: Kubvira ^bkuradzikwa pasi kwawakaitwa hakuna ^cmunhu ati auya kuzotirwisa.

9 ^aGehena rinobvisirwa imi kubva pasi kuti rigosangana nemi pakuuya kwenyu; rinokudenherai ^bvakafa, kana vose vakuru-vakuru vepasi; rakabvisa ose madzimambo epasi pose pazvigaro zvavo.

10 Zvose zvavachakwanisa kutaura kwamuri: Asi imi marukutika sesu here? Asi matofanana nesu?

11 Kushamisira kwako kwadzikiswa muguva; ruzha rwemimhanzi yako harwuchanzwikwa; muviri wako wava nehonye, uye watongova makonye ega.

12 Kupunzika ^asei kwawaita kubva kudenga, iwe ^bRusifa, mwanakomana werungwanani! Hausi wapunzirwa pasi here, iwe waishaisa simba marudzi!

13 Nokuti watoti mumwoyo mako: ^aIni ndichakwira kudenga, ndosimudza ngundu yangu iende pamusoro penyenyedzi dzaMwari; ndichagara pamusoro pegomo ndakatarisa gungano, kurutivi ^brwekuchamhembe.

14 Ndichakwira kusvika ndapfuurira makore; ndichaita saiye Wokudenga-denga.

15 Kunyange zvakadaro uchaderedzwa kusvika kugehena, kumativi ^aegomba.

16 Avo vachakuona ^avachakushora, vachakutarisa, vachiti: Ndiye here murume uye aiita kuti nyika izunguzike, aityiwa nekudederwa nemadzimambo?

17 Uye akaita nyika inge renje, akaparadza maguta aivemo, uye akasazurura dzimba dzevasungwa vake?

18 Ose madzimambo emarudzi, hongu, vose zvavo, iye zvino varere nembiri, munhu ega-ega mumba ^amake.

19 Asi wabviswa muguva mako sebazi ^arinonyangadza, uye avo vakasara pane vakauraiwa, avo vakabaiwa nemunondo, vanoenda ^bkumabwe emugomba; semhuka yakafa yatsikwa-tsikwa netsoka.

20 Hauzovigwa pamwechete navo, nokuti wakaparadza nyika yako uye ukauraya vanhu vekwako; ^ambeu ^byevanoita-zvakaipa haife yakaita mbiri.

21 Gadzirira kuuraya vana vake nenzira ^ayekutadza kwemadzibaba avo, kuti vasazomuka, kana kuzotonga nyika, kana kuzadza uso hwenyika nemaguta.

22 Nokuti ndichavamukira, vanodaro Ishe veHondo, ndovabvisa muBabironi ^anezita, nevanenge vasara, nemwanakomana, ^bnemuzukuru, ndozvinotaura Ishe.

23 Ndichaiitawo ^anzvimbo inogarwa nemazizi, nemadziva emvura; ndichaitsvaira ^bnemutsvairo wekuparadza, vanodaro Ishe veHondo.

24 Ishe veHondo vakapika vachiti: Chokwadi sezvandafunga, ndizvo zvichaitika; uye sezvandaita, ndizvo zvichamira—

25 Kuti ndichaunza ^amuAsiria munyika mangu, uye mumakomo ^bangu ndigomutsika-tsika pasi petsoka; ipapo ^cjokwi rake richabva pavari, nemutoro wake uchabva pamapfudzi avo.

26 Ndiro zano rafungirwa pasi pose; uye urwu ndirwo ruoko rwatambanudzwa pamusoro pemarudzi ^aose.

27 Nokuti Ishe veHondo vakazvidzika, uye ndiani angazvirambe? Uye ruoko rwavo rwatambanudzwa, ndiani angarwudzore?

28 Mutoro uyu wakauya ^agore rakafa mambo ^bAhazi.

29 Musafare zvenyu, imi mose maFiristia, nokuti mubhadha weuyo akambokurovai watyoka; nokuti kubva mumudzi wenyoka muchabuda rovambira, uye vana vayo vachave nyoka dzinotyisa dzinobhururuka.

30 Uye dangwe revarombo richadya, uye vanoshaya vacharara vasina chavanotya; uye ndichauraya midzi yako nenzara, uye achauraya vanenge vasara.

31 Chema, iwe suwo; chema, iwe guta; imi, mose maFiristia, maparadzwa; nokuti kuchamhembe kuchabva utsi, uye hapana achange ari ega panguva dzake dzaakatarirwa.

32 Ko nhumwa dzemarudzi dzichapindura dzichiti chii? Vachati Ishe akamisa ^aZioni, uye ^bvarombo vevanhu vake vachawana ^cruvimbo mairi.