1 ^aMutoro ^bweBabironi wakaonekwa naIsaya mwanakomana waAmozi.

2 Sumudzai ^amureza pamusoro pegomo refu, movadaidzira, ^bzunzai ruoko, kuti vapinde mumasuo evakuru-vakuru.

3 Ndaraira avo ^avakaitwa vatsvene vangu, ndadaidzawo magamba angu, nokuti hasha dzangu hadzisi kune avo vanofadzwa neukuru hwangu.

4 Ruzha rwevanhu vazhinji mumakomo rwunenge rwemhomho yevanhu, zhowe-zhowe ^areumambo hwemarudzi ^baungana pamwechete, Ishe veHondo vanogadzirira varwi vavo kunorwa.

5 Vanobva kunyika iri kure, kwakaperera denga, hongu, Ishe, nezvombo zvekushatirwa kwavo, kuti vaparadze nyika yose.

6 Chemai imi, nokuti zuva raIshe rave pedyo; richauya semharadzi inobva kuna Samasimba.

7 Naizvozvo ose maoko achaneta, mwoyo wemunhu wose uchanyangadika;

8 Uye vachatya; vacharwadziwa nekusuwa kugovabata; vachashamiswa nevamwe vavo pachavo, uso hwavo huchaita semarimi emoto.

9 Tarisai, zuva raIshe riri kuuya, rakaipa rine hutsinye nekutsamwa kunotyisa, kunoparadza nyika; uye ^avachaparadza vatadzi varimo.

10 Nokuti nyenyedzi dzedenga nezvose zvirimo hadzizopa chiedza chadzo; ^azuva richasvibiswa mukufamba kwaro, nemwedzi uchaita kuti chiedza chawo chisavheneke.

11 Uye ^andicharanga nyika nenzira yekutadza, nevatadzi vacharangwa nokutadza kwavo; ndichaita kuti kuzvida ^bkweunodada kupere, uye ndichabvisa kuzvikudza kweanotyisa.

12 Ndichaita kuti ^amunhu akoshe kupfuura goridhe; akoshe kunyange kupfuura goridhe reOfiri.

13 Naizvozvo, ndichaita kuti denga rizunguzike, uye nyika ^aichabva munzvimbo mayo, mukushatirwa kwaIshe veHondo, uye muzuva rehasha dzavo dzinotyisa.

14 Uye vachaita semhara iri ^akutandaniswa, uye sehwai dzisina muridzi; uye vachati munhu ega-ega adzokere kuvanhu vekwake, uye vagotizira mumwe nomumwe kunyika kwake.

15 Mumwe nomumwe anodada achabaiwa; hongu, uye wose uyo akabatana nevakaipa achapunzika nemunondo.

16 Vana vavo vachapazurwa-pazurwa pamberi pavo vakatarisa; dzimba dzavo dzicharozvwa uye vakadzi vavo vagobatwa chibharo.

17 Tarisai, ndichaita kuti vaMedia vavamukire, vasina hanyn’a nesirivha kana goridhe, zve havafadzwe nazvo.

18 Miseve yavo ichadambura-dambura majaya; zve havazove netsitsi kumichero yenhumbu maziso avo haazonzwira vana vadiki tsitsi.

19 Uye Babironi, gamba reushe, ^arunako nerudado rweKardia, richaita sezvakaita ^bSodoma neGomora pazvakaparadzwa naMwari.

20 Hapana ^aanozogaramo, zve hapana anozovakamo zvizvarwa nezvizvarwa: Kana vaArabia havachazodzika tende dzavo imomo; kana vafudzi vehwai havachazovaka matanga avo imomo.

21 Asi mhuka ^adzesango dzichagaramo; dzimba dzavo dzichazara nemakava; nemazizi achagaramo, uye ^bzvikotora zvichatambamo.

22 Uye mhuka dzesango dzemuzvitsuwa dzichachema mumatongo ^aedzimba dzavo, ^bzvipukanana mumatongo mudzimba dzavo dzemadzimambo; nguva yake yave pedo nekusvika, uye zuva rake harichanonotswa. Nokuti ndichamuparadza nokukurumidza; hongu, nokuti ndichaitira vanhu vangu tsitsi, asi vakaipa vachafa.