Wóltaʼii 1Nephi, Helaman yiyeʼ nilíinii, kéyahdóó dah diiyá, dóó biyeʼ Nephi haneʼ ndáháásdzohyę́ę neijaah—Azhą́ bee éédahózin dóó álílee dahólǫ́ǫ ndi, bąąhági ádaatʼínígíí diyin yikʼehgo deiyíkáhígíí ndeidoołtsxíłgo yee nidáhazʼą́—Christ tłʼééʼ biyiʼ doochííł haʼnínée baa hoolzhiizh—Bee ééhózinii ííshją́ą́ ályaa, dóó sǫʼ ániidígíí hááyá—Yoochʼííd dóó inaʼadloʼ hanííchaad, dóó Gadianton daʼniʼįįhii tʼóó ahayóí dineʼé ndéistseed. Jesus náádiidzáádóó A.D. 1–4 yihahgo. Wóltaʼii 2Bąąhági átʼéii dóó íiyisíí wooldchʼidígíí dineʼé bitahgóó yíląąd—Nephi dineʼé dóó Laman dineʼé Gadianton daʼniʼįįhii bikʼiidoojah biniyé ahííkaigo yichʼįʼ hashtʼeʼadaʼdiilyaa—Laman dineʼé daʼoosdląądígíí bitsįʼ daalgai daazlį́į́ʼ dóó Nephi dineʼé daosyeʼ. Jesus náádiidzáádóó A.D. 5–16 yihahgo. Wóltaʼii 3Giddianhi, Gadianton daʼniʼįįhii binaatʼáanii, éí Lachoneus dóó Nephi dineʼé dóó dabikéyah ádaadinoohtʼaah yił níigo yee nihoníʼą́—Lachoneus éí Gidgiddoni ndaabaahí binanitʼaʼí dooleełgo yikʼi diilniiʼ—Nephi dineʼé éí Zarahemladi dóó Bountifuldi ahííkai áchʼą́ą́h ndadoobahgo. Jesus náádiidzáádóó A.D. 16–18 yihahgo. Wóltaʼii 4Nephi dineʼé bindaabaahí Gadianton daʼniiʼįįhii yikʼeh dadeesdlį́į́ʼ—Giddianhi biʼdiisyį́, dóó Zemnarihah, bikéé góneʼ dahneezdahígíí, dahbiʼdiidloʼ—Nephi dineʼé Diyin Bóhólníihii dahoneenánígíí yee yaa dahaznih. Jesus náádiidzáádóó A.D. 19–22 yihahgo. Wóltaʼii 5Nephi dineʼé ádaańdaʼooskan dóó bááhági átʼéii yaanaakaiyę́ę nahjįʼ kódeiyiilaa—Mormon bidineʼé binákééʼ nááhaneʼ neiyiizoh dóó hoolʼáago Diyin binaʼnitin yee neineeztʼą́ą́ʼ—Israel ahínáhidootʼish nízaadgóó adabiʼdeeshtʼeezh yę́ędééʼ. Jesus náádiidzáádóó A.D. 22–26 yihahgo. Wóltaʼii 6Nephi dineʼé náásdeiskai—Ádahoʼdídlí, daʼatʼį́h, dóó ałʼąą átʼéego dahdaʼíldééh dahazlį́į́ʼ—Dineʼé Sodizin yitsʼáhákááhgo bił hooʼaʼ—Chʼį́įdii dineʼé akʼijįʼ ndííjééʼgo dahyidiiʼeezh—Ląʼí Diyin yá yádaałtiʼí ádaandaʼoohkąąh dadííniid dóó ndabiʼdistseed—Ndaʼastseedígíí yinahjįʼ ndahaʼáago biwááshingdon bee ádídahodiiniih dadííniid. Jesus náádiidzáádóó A.D. 26–30 yihahgo. Wóltaʼii 7Aláahdi ánahwiiʼáahii biʼdiisyį́, dóó kéyah bikʼihootʼááłę́ę yíchxǫʼ, dóó dineʼé éí áłʼąąh dahdeiyíkááh daazlį́į́ʼ—Jacob, Christ-yitsʼą́ą́jíʼ nilíinii, éí éí ndanitʼingo dahyiikahígíí yinaatʼáanii silį́į́ʼ—Nephi éí ádaańdaʼoohkąąh dóó Christ deinohdlą́ níigo naʼnitin—Diyin Yá Ndaalʼaʼí tʼáá ákwííjįʼ baa ndaakah, dóó bikʼis anoonééłdę́ę́ʼ neidiyiiłá—Ląʼí ádaańdaʼooskan dóó tó bee dabiʼdoolzį́į́ʼ. Jesus náádiidzáádóó A.D. 30–33 yihahgo. Wóltaʼii 8Níłtsą́ bił daníyolgo, nahasdzáán nahaʼnáago, dahodéekʼą́ą́łgo, níyoltso ndaakaigo, dóó tʼóó báhádzidgo áhooníłígíí éí Christ tsin ałnáozʼá bikáaʼjįʼ bił oʼoolkaalígíí yaa halneʼ—Tʼóó ahayóí dineʼé ndaaztseed—Kéyah tágí jį́ chahałheeł ałtso bikʼéstiʼ—Chʼídadzoodzíʼígíí éí kʼad shąʼ hahodoonííł dajiníigo dajichah. Jesus náádiidzáádóó A.D. 33–34 yihahgo. Wóltaʼii 9Chahałheel biyiʼ, Christ bízhí ląʼí dineʼé ádaasdiin dóó kin dah naazhjaaʼ bąąhági átʼéii biniinaa ádaasdįįd ní—Áádóó diyin Nilínígíí ałdóʼ yaa hoolneʼ, Moses bibee hazʼáanii éí ałtso bohoolyaa ní, dóó nihokááʼ dineʼé shaahohkááh dóó yisdáhóhkááh yidííniid. Jesus náádiidzáádóó A.D. 34 yihahgo. Wóltaʼii 10Kéyah bikááʼgóó doo hodiitsʼaʼgo ląʼí da ahééʼilkid—Christ bízhí bidineʼé ahínéídiyooʼishgo yee ádáhaadzííʼ naʼahóóhai biyázhí ahínéíyiiʼishígiʼ átʼáo—Hózhǫ́ diné diyinkʼehgo deiyíkáhígíí éí baa áháyą́ągo ályaa. Jesus náádiidzáádóó A.D. 34–35 yihahgo. Wóltaʼii 11NihiTaaʼ nilíinii BiYeʼ Ayóó Áyóʼníinii tʼáá aníigo yaa hoolneʼ—Christ ííshjání áʼdiilyaa dóó Bąąhági Átʼéii Yikʼé Nináʼnídláhígíí yaa hoolneʼ—Diné éí bílaʼ dóó bikeeʼ bił adaʼaskaalyę́ę dóó booshkʼiizh atílyaayę́ę yídadeesnih—Diné tʼáá ałtso Hosanna dazhdííniid—Tó bee alzį́į́h haitʼáó álʼínígíí dóó háadi álʼínígíí áłkééʼ neinínil—Saad ahétʼááhgo ntsáhákeesígíí éí biʼiiníziinii bitsʼą́ą́dę́ę́ʼ átʼé—Christ binaʼnitin éí nihokááʼ diné daʼiidoodląął, dóó tó bee dabidiʼdoolzį́į́ł dóó Iiʼ Sizį́ Diyinii baa dahidoolyééł. Jesus náádiidzáádóó A.D. 34 yihahgo. Wóltaʼii 12Jesus hastóí naakitsʼáadah akééʼ naazíinii náyiizlááʼ dóó óhólníihii yąąh neiyizlá—Nephi dineʼé yichʼįʼ haadzííʼ Dził Bąąhdi Neineeztąʼąą nahalingo—Akʼihojídlí bee haʼoodzííʼ—Éí yínaʼneestánígíí éí Moses bibee hazʼáanii niiníláhąą bilááh áníłtso dóó ílį́įgo yee haadzííʼ—Diné éí tsʼída nizhónígo dahinohná shí áníshtʼéhę́ęgiʼ átʼáo dóó shiTaaʼ átʼéhígi átʼéego biʼdooʼniid—Matthew 5 bił ahąąh nidííniłgo dínííłʼįįł. Jesus náádiidzáádóó A.D. 34 yihahgo. Wóltaʼii 13Jesus éí Nephi dineʼé Bóhólníihii Bisodizin yee neinitin—Yáʼąąshdi daʼílíinii hashtʼendeidiyoojih—Naakitsʼáadah ndaʼnohtingo éí tʼáadoo haʼátʼíí lá deeshį́į́ł dóó háadilá shiidoołkááł danohsiní biʼdooʼniid—Matthew 6 bił ahąąh nidííniłgo dínííłʼįįł. Jesus náádiidzáádóó A.D. 34 yihahgo. Wóltaʼii 14Jesus ádííniid: Doo diné bá nahwijiiʼaah da; Diyin God ndabídółkid; Diyin yá yádaałtiʼí tʼóó ádaʼdilínígíí baa ákonohsin—NihiTaaʼ nilíinii yinízingo yidaʼiłʼínígíí éí tʼááʼaaníí yisdéídooʼish—Matthew 7 bił ahąąh nidííniłgo dínííłʼįįł. Jesus náádiidzáádóó A.D. 34 yihahgo. Wóltaʼii 15Moses bibee hazʼáanii shí shinahjįʼ ałtso bohoolyaa níigo Jesus haadzííʼ—Nephi dineʼé éí náánáłaʼ dibéhę́ę́ʼ ádáátʼį́ níigo Jerusalemdi yaa hoolne—Bąąhágiʼ átʼéii yaa naakaiʼígíí biniinaa, Diyin Bóhólníihii bidineʼé Jerusalemdi kéédahatʼínígíí Israel bidibé daʼníłtsʼą́ąjigo ałtsʼádabidiʼnoolkaadígíí doo bił béédahózin da. Jesus náádiidzáádóó A.D. 34 yihahgo. Wóltaʼii 16Jesus éí Israel bidibé doo béédahózinééʼ łaʼ yitaadoogaał—Akéeʼdi hoolzhishígíí éí nahatʼá bee yisdáʼiildéehii Gentile dineʼé bichʼįʼ kódoolnííł dóó índa Israel bighanjįʼ kódoolnííł—Diyin Bóhólníihii bidineʼé tʼáá bí binááʼ yee daʼahiidoołtsééł Zion nineidláago. Jesus náádiidzáádóó A.D. 34 yihahgo. Wóltaʼii 17Jesus éí diné iiłní yéego shizaad baa ntsídaahkees dóó hazhóʼó bikʼidiʼdeeshtį́į́ł dadohníigo sodadołzin—Bitsʼíistah doo dahatsʼídę́ę néidiyiisá—Saad doo náájiyóozóóh átʼéego saad yee há sodoolzin—Diyin Yá Ndaalʼaʼí ndahoneeztáą́ʼ dóó kǫʼ baʼáłchíní yázhí bińdaaztʼiʼ. Jesus náádiidzáádóó A.D. 34 yihahgo. Wóltaʼii 18Jesus bááh dóó tó bikʼih sohodizin Nephi dineʼé yitah niinílá—Tʼáá áłahjįʼ bízhiʼ binahjįʼ sodadołzin biʼdooʼniid—Ádąąh ndahojistʼą́ągo Diyin bitsįʼ dajiyánígíí dóó bidił dajidlánígíí éí tiʼdahooʼnííhgóó bá nidahodootʼááł—Diyin Bóhólníihii yikééʼ naazíinii éí Iiʼ Sizį́ Diyinii bee iilzį́į́hii baa dahaasyá. Jesus náádiidzáádóó A.D. 34 yihahgo. Wóltaʼii 19Naakitsʼáadah akééʼ naazíinii diné ndeinitin dóó Iiʼ Sizį́ Diyinii yíká sodadilzin—Akééʼ Naazíinii tó bee daalzį́į́ʼ dóó Iiʼ Sizį́ Diyinii baa dahaasyá áádóó Diyin yá ndaalʼaʼí diyinkʼehgo bikáʼííjééʼ—Jesus sodilzingo saad yee haadzíʼígíí doo náájiyóozooh átʼée da—Jesus Nephi dineʼé beʼoodląʼ ayóó dabidziilígíí yaa hoolneʼ. Jesus náádiidzáádóó A.D. 34 yihahgo. Wóltaʼii 20Jesus bááh dóó chʼil naʼatłʼoʼii bitooʼ álíleekʼehgo shóyoostʼeʼ dóó bááh dóó tó yikʼi sonáádoolzinígíí diné yitaanááneizką́—Jacob baʼáłchíní daadziihígíí Bóhólníihii biDiyin God yééńdahodoosįįł dóó díí Kédaayah America Daolyéhígíí bí dadooleeł—Jesus éí Diyin yá yáłtiʼí nilį́ Mosesgiʼ átʼéego, dóó Nephi dineʼé éí Diyin yá yádaałtiʼí baʼáłchíní danilį́—Nááná łaʼ Diyin Bóhólníihii bidineʼé ałdóʼ Jerusalemdi ahínáhidootʼish. Jesus náádiidzáádóó A.D. 34 yihahgo. Wóltaʼii 21Naaltsoos Mormon Wolyéhígíí bénáhoosdzingo Israel bidineʼé áłhínáhidootʼish—Gentile dineʼé éí America biyiʼ tʼáá nííkʼeh dahiináa dooleeł—Daʼoodlą́ągo dóó akʼeh dahółʼį́įgo yisdáhidookah, doodaiiʼ éí, nahjįʼ kódabidiʼdoolnííł dóó ndootsił—Israel éí Jerusalem Ániidígíí ádeidoolííł, dóó Israel bidineʼé doo béédahózinée nínáhidookah. Jesus náádiidzáádóó A.D. 34 yihahgo. Wóltaʼii 22Bee ndahwiidoołkááłdi, Zion dóó biníbaal bá anídaalkałígíí ndeidoonił, dóó Israel baa ajoobaʼgo doo ayóó ábiʼdooʼníigo áłah ádoolnííł—Éí akʼehdadidoodleeł—Isaiah 54 bił ahąąh nidííniłgo dínííłʼįįł. Jesus náádiidzáádóó A.D. 34 yihahgo. Wóltaʼii 23Jesus Isaiah baa haneʼée yee lą́ aslį́į́ʼ—Diyin yá yádaałtiʼii haneʼ ńdayiidzoh yę́ę deínóhłtaʼ yidííniid—Samuel Laman Dineʼé Nilíinii Nááʼiiná yaa hoolneʼgo ndaháásdzoyę́ę bíídzoh. Jesus náádiidzáádóó A.D. 34 yihahgo. Wóltaʼii 24Diyin Bóhólníihii bá naalʼaʼii éí Nínáádoodááł Bijį́į́di yá hashtʼeʼhodoolííł—Christ éí ándahwiitʼaahdóó dah dínóodaał—Israel bidineʼé éí tʼááłáʼí dootłʼizh bíighahgo nihee náhoodleełii Diyin God baa nahidoohʼaah dóó náádaʼiyoołniih biʼdooʼniid—Naaltsoos bee ééhaniihii éí naatʼá—Malachi 3 bił ahąąh nidííniłgo dínííłʼįįł. Jesus náádiidzáádóó A.D. 34 yihahgo. Wóltaʼii 25Nínáádoodááł Bijį́į́di, ádaa hodzódlí dóó bąąhági átʼéii yaa deíkáahii éí tséhégod dookʼą́ą́ł nahalingo adahididookʼą́ą́ł—Elijah éí tʼah doo ayóó átʼáo báhádzidgo iiłkááh góneʼ ńdoodááł—Malachi 4 bił ahąąh nidííniłgo dínííłʼįįł. Jesus náádiidzáádóó A.D. 34 yihahgo. Wóltaʼii 26Jesus hodeeyáádą́ą́ʼ dóó nihoníyáajįʼ nizhónígo tʼáá ałtsóní yee nahoneeztʼą́ą́ʼ—Awééʼ dóó áłchíní danilíinii ayóó átʼáo hadahaasdzííʼ éí doo náájiyóozóóh átʼéégóó—Christ Bisodizin yee atah danilínígíí éí tʼáá ałtsoní aheełtʼéego ádaʼałʼį́. Jesus náádiidzáádóó A.D. 34 yihahgo. Wóltaʼii 27Jesus éí díí Sodizin Shízhiʼ bee wójíi doo dííniid—Naʼnitin bee Bikʼihodiiniiʼgo níyáhígíí dóó bitsʼíís yee nihá nináʼnídláhígíí éí Binahatʼá bee yisdáʼiildéehii átʼé—Dineʼé éí ádaa ńdaʼoohkąąh dóó tó bee danihiʼdiilzį́į́h áko Iiʼ Sizį́ Diyinii hadanołtʼéego ánihidoolííł dabiʼdooʼniid—Áko Jesus átʼéhígi ádajitʼée doo. Jesus náádiidzáádóó A.D. 34–35 yihahgo. Wóltaʼii 28Naakitsʼáadahí danilínée éí náhástʼéigo Christ bił hazʼą́ądi nihá nahazʼą́ą dooleeł, dóó díí kweʼé niheʼiinaʼ ndahatʼéego dadííniid doo bichʼįʼ lą́ ndaʼiizlį́į́ʼ—Díí Nephi Dineʼé Táltʼéego éí tʼáá kǫ́ǫ́ nihokááʼ bikááʼgóó neiikai dooleeł Jesus nádzáajįʼ dadííniid dóó lą́ biʼdooʼniid áko anoonééł yikʼehdadidlį́įʼgo ádabiʼdiilyaa—Bitsʼíís łahgo átʼéego ádaalyaa dóó tʼáadoo leʼé doo baa yáʼátiʼii dayiiłtsą́, áko éí kʼad tʼahdii diné yitaadaakai diyinkʼehgo yíkáʼanídaajah dóó yá sodadilzin. Jesus náádiidzáádóó A.D. 34–35 yihahgo. Wóltaʼii 29Naaltsoos Mormon Wolyéhígíí áyiilaayę́ę naaltsoos bee dadínéezdeeʼgo éí Diyin Bóhólníihii Israel áłah ánéídléehgo dóó yił ahadaʼdeestʼánée yindiilnishgo bee ééhózin dooleeł—Tʼáá háíshį́į́ díí akéeʼdi-yoołkáłígíí íł ííshją́ą́ ádaalyaaígíí dóó diyinkʼehgo aʼiilyéii doo deiniizį́ʼígíí éí doo bá yáʼádaatʼéeh da dooleeł. Jesus náádiidzáádóó A.D. 34–35 yihahgo. Wóltaʼii 30Tsʼídá akéeʼdi-yoołkááł góneʼ Gentile dineʼé ádaańdaʼoohkąąh, Christ baa hoohkááh, dóó Israel baʼáłchíní bił nihidiʼdóoltah biʼdooʼniid. Jesus náádiidzáádóó A.D. 34–35 yihahgo.