1 Áko shooh, kʼad, ánáánihidishní, díí diyinkʼehgo haneʼígíí deínóhłtaʼ. Aooʼ, bee hazʼáanii átʼéego nihichʼįʼ kóshłééh tsʼídá tʼáá aaníí ádaahtʼį́įgo deínóhłtaʼ; háálá Isaiah baa haneʼ éí ayóó átʼéii átʼé.

2 Háálá éí tʼáá ałtso shidineʼé Israel bighandóó danilínígíí haneʼ bídadéétʼiʼígíí yaa nahasneʼ; éí bąą Gentile dineʼé ałdóʼ yichʼįʼ haadzííʼ.

3 Áádóó tʼáá ałtso yaa hoolneʼę́ę éí bidaʼalyaa dóó bidahodoolnííł, saad yee haadzíʼę́ę bikʼehgo ndi.

4 Éí bąą shizaad yéego bikʼeh dahonołʼį́; bee nihichʼįʼ haasdzíʼígíí bikááʼ óhłééh; dóó Diyin aZhéʼé nilíinii kʼad baa hoolzhiizhgo dóó niizį́įʼgo bikʼehgo díí haneʼígíí Gentile dineʼé bichʼįʼ kódoolnííł.

5 Áádóó háíshį́į́ shizaad yidiiztsʼą́ʼígíí dóó ádaanáʼooskanígíí dóó tó bee biʼdoolzį́ʼígíí, éí yisdádoogááł. Diyin yá yádaałtiʼii yaa dahoolneʼę́ę ndaałkaah, háálá tʼóó ahayóí éí díí tʼáá aaníí átʼéego yaa dahoolneʼ.

6 Áádóó áko baa hoolzhiizh díí Jesus saad yee hachʼįʼ haadzíiʼgo ánááhodiʼní, díí Diyin bizaad bee akʼedaʼashchínígíí ndajijaahą́ą ałtso hachʼįʼ nááyíltaʼgo, kóyidííniid: Áko shooh, Diyin bizaad bee akʼedaʼashchínígíí nááná łaʼ, doo ndaajaahígíí, éí ałdóʼ bikááʼ ádoohłííł nisin.

7 Áádóó baa hoolzhiizh Nephi yichʼįʼ haadzííʼ: Haneʼ náníjáhígíí deʼ níjááh yidííniid.

8 Áádóó Nephi haneʼ néijááhą́ą hayínilgo dóó yidáahgi niinínilgo, yiyiiłtsʼá dóó ání:

9 Tʼáá aaníigo Nihichʼįʼ haasdziih, shá naalnishii Samuel, Laman dineʼé nilíinii, díí kótʼéego diné bichʼįʼ hadíídzih bidííniid ní, éí Diyin aZhéʼé nilíinii shiníkááʼ góneʼ bízhiʼ baa hashniihgo tʼóó ahayóí Diyin yá naazíinii daneeznánée náádahidooʼnaał, dóó tʼóó ahayóí diné yichʼįʼ ííshjání ádadiʼdoolnííł, dóó ndeidíʼnóotįįł. Áádóó áhółʼní: Tʼáásh aaníí ákódzaa?

10 Áádóó bikééʼ naazíinii yichʼįʼ haadzííʼ dóó kódaaní: Aooʼ, Diyin Bóhólníihii, Samuel éí Diyin bikʼeh áhodoonííł diníigo saad bee háínídzíʼę́ę yaa hoolneʼ, dóó éí ałtso bohoolyaa.

11 Áádóó Jesus áháłní: Ákoshąʼ haitʼéego díí tʼáadoo bikááʼ óohłaa da, tʼóó ahayóí Diyin yá naazíinii daneeznánée náádahiinaʼ dóó tʼóó ahayóí diné yichʼįʼ ííshjání ádaʼdiilyaa dóó ndeiʼneeztą́ą́ʼ?

12 Áádóó baa hoolzhiizh Nephi díí tʼah doo bikááʼ álnéhígíí yénáálniiʼ.

13 Áádóó baa hoolzhiizh Jesus díí bikááʼ óhłééh dííniid; éí bąą éí bikʼehgo díí bikááʼ ályaa.

14 Áádóó kʼad Jesus díí Diyin bizaad bee akʼedaʼashchínígíí, ńdajiidzoh yę́ę, ałtso hoł nááyiiltaʼgo, naakitsʼáadahí díí nihił yíltaʼígíí bíndaʼnołtin dooleeł yidííniid.