1 O Gentile Dineʼé danohłíinii, daʼiisinółtsʼą́ą́ʼ, dóó Jesus Christ bizaad dadoohtsʼį́į́h, Diyin God hináanii biYeʼ, éí díí bídéétʼiʼígíí bee bichʼįʼ hadíídzih shidííniid, háálá, áko shooh díí bikááʼ ánílééh shidííniid, kóníigo:

2 Gentile dineʼé nohłíinii, nihibąąhági átʼéii, bitsʼánóhkááh; dóó doo yáʼáshóonii baa naahkaiígíí baa ńdaʼoohkąąh, nihiyoochʼídígíí dóó nihińdaʼadlohígíí, dóó iłjiłgo, dóó aláahdi joodláhígíí ndanohłʼingo baa naahkaiígíí, dóó bidaʼoohłeʼgo bichʼįʼ ndaholáhígíí, dóó ndaʼohłtseedígíí, dóó béeso bikʼé sodadołzinígíí, dóó nihiʼoolchʼį́į́d, dóó daʼahohgánígíí, dóó tsʼídá tʼáá átʼé bee niheʼiiníziinii dóó aláahdi joodláhígíí bitsʼánóhkááh, dóó shaa hohkááh, dóó shízhiʼ binahjįʼ tó bee danihiʼdiilzį́į́h, áko bąąhági ádaohdzaayę́ę nahjįʼ nihá kódadoolnííł, dóó Iiʼ Sizį́ Diyinii nihiyiʼ hadadidoobį́į́ł, áko shidineʼé Israel bighandóó danilíinii bił nihidiʼdóoltah.