Lesona 5
O Iesu Keriso o le Alo o le Tama Faalelagi
Faamoemoega
Ia fesoasoani i tamaiti taitoatasi ina ia malamalama o Iesu Keriso o le alo o le Tama Faalelagi.
Sauniuniga
-
Ia suesue ma le agaga tatalo le Mataio 3:13–17 ma le Luka 1:26–35; 2:1–7, 41–52. Tagai foi i le Mataupu Faavae o le Talalelei (31110), mataupu e 3.
-
Ia maua se faatagaga mai le peresitene o le Peraimeri, valaaulia se tama o se tamaitiiti/teineitiiti e sau i le vasega e tuuina atu se tautalaga e uiga i lona atalii/afafine a o pepe. Fai i ai e aumai ni ata ma se mea taalo e fiafia tele i ai, pe afai o i ai. Ia uunai o ia e faailoa atu lona alofa i lona atalii/afafine.
-
O mea e faaaogaina:
-
O se Tusi Paia.
-
Ata 1-16, O Le Fanau Mai O Iesu (Taga o Ata o le Talalelei 201; 62495); ata 1-17, Le tamaitiiti o Iesu i le Malumalu (Taga o Ata o le Talalelei 205;62500); ata 1-18, Ioane le Papatiso o lo o Papatisoina Iesu (Taga o Ata o le Talalelei 208;62133).
-
-
Ia faia sauniuniga e talafeagai ai mo so o se Gaoioiga E Faamauoa Ai e te manao e faaaoga.
Faaaliga i le faiaoga: Pe a e talanoa e uiga i tama i lenei lesona, ia faaeteete mo tamaiti e leai ni tama i o latou aiga. Ia faamamafa atu o lo o i ai se Tama Faalelagi o i tatou uma lava e alofa ia te i tatou. Afai e i ai ni tamaiti i le vasega e i ai ni tama fai, ia faamalamalama atu e alolofa foi o tatou tama fai ma tausia lelei tatou.
Gaoioiga E Aoao Ai:
Tofi se tamaitiiti e faia le tatalo amata.
Gaoioiga e Faatosina Mai Ai:
Fesili i tamaiti pe latou te iloa le tagata lea e asiasi mai. Valaaulia le atalii/afafine o le tama lea na te faailoaina atu i le vasega. Ia tau atu e le tama i le vasega e uiga i lona atalii/afafine. Valaaulia tamaiti taitoatasi e faia se faamatalaga e uiga i lona tama; e pei o le lanu o lona lauulu po o lana galuega.
O Iesu Keriso o le Alo o le Tama Faalelagi
Tau i tamaiti e tofu lava i latou ma tama e lua; o le tama faalelalolagi ma le Tama Faalelagi. O le tama faalelalolagi, o le tama o o tatou tino faaletino. O le Tama Faalelagi, o le tama o agaga o lo o i totonu o o tatou tino. O Iesu e tasi lava lona tama, aua o le Tama Faalelagi o le tama o le agaga o Iesu ma lona tino faitino. O le mea lea ua taua ai Iesu o le Alo o le Atua.
Tala:
Faaali le ata 1-16, O Le Fanau Mai O Iesu, ma faamatala atu le tala i le fanau mai o Iesu, e pei ona tusia i le Luka 1:26–35 ma le Luka 2:1–7. Ia faamamafa atu na tau atu e le agelu ia Maria o lana pepe o le Alo o le Atua. Vaai i le ata a o e tuuina atu nei fesili:
Tala:
Pese:
Faatutu i luga tamaiti ma usu pe faitau upu o le “Away in a Manger” (Children’s Songbook, p.42). Ia fai ai foi i le taimi lea ni taga talafeagai ma upu o le pese.
Sa leai se moega, i totonu o se falemanu
Sa taoto ai si pepe, o le Alii o Iesu
Sa fepulafi mai fetu o le lagi i le mea sa taoto ai,
Le Alii o Iesu, o vao mago o lo o moe ai.
E alofa Iesu ma usitai i le Tama Faalelagi
Tala:
Faaali le ata 1-17, Le Tamaitiiti o Iesu i le Malumalu, ma faamatala atu le tala ia Iesu i totonu o le malumalu, e pei ona tusia i le Luka 2:41–52. Faamamafa atu sa alu Iesu i le malumalu ona o lona alofa i le Tama Faalelagi ma sa manao o ia e faia lana galuega.
Tala:
-
O le a le mea a Iesu o lo o fai i le malumalu? (Vaai le Luka 2:46.)
Gaoioiga:
Faatutu tamaiti ma faia faatele le gaoioiga lea:
Sa alu Iesu a o itiiti i le malumalu (savali i lou tulaga)
A o le i tupu malosi ma umiumi atu (faaloloa i luga lima)
E faia le galuega a lona Tama (falo i autafa lima)
Aua e alofa o ia ia te i tatou umā (fusi e le tagata ia lava).
Tala:
Faaali le ata 1-18, Ioane le Papatiso o lo o Papatisoina Iesu, ma faamatala le tala o le papatisoga o Iesu, e pei ona tusia i le Mataio 3:13–17. Faamatala atu na papatisoina Iesu aua e alofa i le Tama Faalelagi ma manao e usitai ia te ia. Sa manao foi Iesu e faia se faataitaiga lelei mo i tatou. Faitau leotele le fuaiupu e 17 (amata i le O Lo’u Atalii Pele Lenei), ma faamalamalama o upu nei a le Tama Faalelagi. Sa fiafia le Tama Faalelagi ina ua papatisoina Iesu.
Tala:
-
Ua outou vaai i se tagata o papatiso?
Faamatala atu o se tasi o auala e mafai ai e tamaiti ona usiusitai i le Tama Faalelagi ma faaali atu lo latou alofa ia te ia, o le papatisoina lea pe a atoa le valu o tausaga le matutua.
Molimau:
Tuu atu lau molimau o Iesu Keriso o le alo o le Tama Faalelagi. Faailoa atu lou alofa mo Iesu ma lou agaga faafetai mo ia.
O Isi Gaoioiga E Faamauoa Ai
Filifili nisi o nei gaoioiga e faaaoga i le taimi o le lesona.
-
Faafaō ata e tolu o le lesona i luga o ou vae po o le laulau. Valaaulia se tamaitiiti/teineitiiti e filifili mai se ata se tasi, faaali i le vasega, ma faamatala le tala o lo o faaalia i le ata. Ia faapena foi ona faia i isi ata e lua.
-
Ia usu e tamaiti pe faitau upu o le pese “Tau Mai Tala Ia Iesu” (Tusi Pese a Tamaiti).
-
Ia faatinoina e tamaiti le tala i le fanau mai o Iesu, faaaoga ai nai mea faigofie e faatino ai e pei o se pepe taalo, se pulupulu, ma ni sikafu.
Gaoioiga Faaopoopo Mo Tamaiti Laiti
-
Faaali le ata 1-16, O le fanau mai o Iesu, ma fesili i tamaiti po o ai le pepe o lo o i le ata. Faamatala atu i ai le tala i le fanau mai o Iesu.
Faamatala atu e le o toe pepe Iesu. Ua matua nei, ma o ia o le fesoasoani aupito taua o le Tama Faalelagi. Faaali le ata 1-3, O Iesu le Keriso, ma tau i ai i tamaiti e alofa Iesu ia te i tatou ma e tele auala e fesoasoani ai ia te i tatou.
-
Faatutu tamaiti ma usu upu ia i le fati o le: “O se Tagata Kiona” (Tusi Pese a Tamaiti). Faaaoga taga faano’uno’u i le fuaiupu muamua ae faaaoga taga faaloloa i le fuaiupu e lua.
Sa avea au ma pepe, pepe, pepe,
Sa avea au ma pepe, laitiiti, laitiiti, laitiiti.
O lea ua ou lapoa, lapoa, lapoa,
O lea ua ou lapoa, umi, umi, umi.
-
Talanoa i matua o tamaiti o lau vasega a o le i oo i le aso e fai ai le lesona, ia aumai ni ata o tamaiti a o pepe po o ni mea taalo laiti sa masani ona taaalo ai. Faaali atu nei mea i le vasega. Faailoa atu pepe o lo o i ata taitasi po o e e ona mea taalo. Faamatala atu a o pepe i latou, sa pei lava latou o pepe i ata, ma taaalo foi i mea taalo.