E Mafai Ona Ou Tatalo I Le Tama Faalelagi

Faamoemoega

Ia fesoasoani i tamaiti taitoatasi e aoao le faiga o le tatalo i le Tama Faalelagi ma iloa o le a faafofoga mai o Ia.

Sauniuniga

Ia suesue ma le agaga tatalo le Tanielu 6. Tagai foi i le Mataupu Faavae O Le Talalelei (31110), mataupu e 8.
O mea e faaaogaina:
1. O se Tusi Paia.
2. Ata 1-9, Tatalo i le Taeao (62310) ata 1-10, Tatalo Faaleaiga (62275); ata 1-14, Tanielu i le Lua o Leona (Taga o Ata o le Talalelei 117; 62096); ata 1-15, Faamanuiaina o Meaai.
Ia faia sauniuniga e talafeagai ai mo so o se Gaoioiga E Faamauoa Ai e te manao e faaaoga.

Gaoioiga E Aoao Ai

Tofi se tamaitiiti e faia le tatalo amata.

Gaoioiga E Faatosina Mai Ai:

Fai i le tamaitiiti sa faia le tatalo e tu ai pea i luma o le vasega. Faamanatu i tamaiti o le lesona talu ai na latou aoao ai, sa tatou nonofo faatasi ma le Tama Faalelagi ae tatou te le i fananau mai. Sa auina mai i tatou e le Tama Faalelagi i le lalolagi.

Gaoioiga E Faatosina Mai Ai:

E faapefea ona tatou talanoa atu i le Tama Faalelagi a o tatou i ai i le lalolagi?
O ai na talanoa i ai ia (tau le igoa o le tamaitiiti/teineitiiti) a o tatalo?

Feasoasoani i tamaiti ina ia latou iloa ai, a tatou tatalo, o lo o tatou talanoa ma lo tatou Tama Faalelagi.

E mafai ona tatou tatalo i le Tama Faalelagi

Tuuina atu lau molimau e tusa lava pe tatou te le o vaai ia te ia, e mafai lava ona tatou tatalo i le Tama Faalelagi ma o le a ia faafofoga mai foi i a tatou tatalo.

Faaali le ata 1-9, Tatalo i le Taeao.

O le a le mea a lenei teine o lo o fai?
O ai o lo o talanoa i ai?
Faamata o le a se mea o fai atu ai lenei teine i le Tama Faalelagi?

Faaaoga ata 1-9, Tatalo i le Taeao; ata 1-10, Tatalo Faaleaiga; ma le ata 1-15, Faamanuiaina o Meaai, pe a outou talanoaina ma tamaiti taimi tatou te tatalo ai. Faamatala atu e mafai ona tatou tatalo i le Tama Faalelagi i so o se taimi lava tatou te mananao ai; o taimi masani lava pe a tatou faatoa ala mai, ma, pe a tatou momoe, o taimi e aai ai, faatasi ma o tatou aiga, ma, pe a tatou moomia se fesoasoani faapitoa. Tuu i tamaiti e uu i luga ata e talafeagai pe a talanoaina.

Sa aoaoina i tatou e Iesu e tatalo atu i lo tatou Tama Faalelagi

Ia faamatala atu sa aoaoina tatou e Iesu i ni mea patino e ao ina tatou faia pe a tatou tatalo. Pe a tatou saunia e tatalo, ia tatou mafaufau i le Tama Faalelagi.

O le a le mea e fai i o tatou lima pe a tatalo?
O le a le mea e fai i o tatou ulu ma mata pe a tatou tatalo?

Gaoioiga:

Ia faataitai e tamaiti au gaioiga a o e faataitaiina le ala e sauni ai e tatalo i lou piilima lea, punou lou ulu, ma moeiini ou mata. A uma, ona tofi lea o se tamaitiiti/teineitiiti e tu i luma o le vasega, ae mulimuli uma isi tamaiti i ana taga o lo o fai e sauni ai e tatalo.

Gaoioiga:

Faitau faatele faatasi ma tamaiti upu o le “Prayer Song” (Children’s Songbook, p.22). Ia fai taga o lo o faamatalaina i na upu.

Ua matou punonou atu i le tatalo i le aso nei,
Ua matou piilima faatasi lelei,
Ma moeiini o matou mata, ma a o matou tatalo ai,
O le Tama Faalelagi ua matou tatalo atu i ai.

Gaoioiga:

O le a se isi mea e mafai ona tatou fai e sauniuni ai e tatalo?

Faamatala atu, pe a faia a tatou tatalo faaleaiga, e le gata ina tatou piilima, punonou o tatou ulu, ma moeiini o tatou mata, ae e masani foi ona tatou tootutuli.

Gaoioiga:

Faamatala atu e i ai lava mea faapitoa tatou te tau atu pe a tatou tatalo. Faitau faatele upu o le fuaiupu o le “I Pray in Faith” (Children’s Songbook, p.14). Fai i tamaiti e tuu i luga tamatamai lima taitasi mo mea faapitoa e fa tatou te tau atu pe a tatou tatalo.

Ou te amata i lo’u fai atu, “Lo’u Tama e o i le Lagi”;
Ou te faafetai ia te ia mo faamanuiaga ua ia aumai;
Ona ou aioi atu lea ma le faamaulalo i mea ou te manaomia,
I le suafa o Iesu Keriso, Amene.

Gaoioiga:

E faapefea ona amata a tatou tatalo?
O a ni mea e mafai ona tatou faafetai atu ai i le Tama Faalelagi?
O a ni mea e mafai ona tatou aioi atu ai i le Tama Faalelagi?
E faapefea ona faauma a tatou tatalo?

E faafofoga mai le Tama Faalelagi ia i tatou pe a tatou tatalo.

Tala:

Faaali le ata 1-14, Tanielu i le Lua o Leona. Faamatala atu le tala mai le Tanielu 6. Faitau leotele le vaega muamua o le fuaiupu e 22 e faamalamalama ai pe aisea na le afaina ai Tanielu a o i ai i le lua o leona.

Faamatala atu sa manao Tanielu e tatalo aua o se poloaiga mai le Tama Faalelagi ma sa manao e faafetai atu i le Tama Faalelagi mo ana faamanuiaga.

Tala:

O le a le mea na faia e le tupu ina ua tatalo Tanielu? (Tagai i le Tanielu 6:16.)
O le a le mea na tupu ia Tanielu i le lua o leona? (Tagai i le Tanielu 6:22.)
E faapefea ona outou iloa na faafofogaina e le Tama Faalelagi le tatalo a Tanielu? (Tagai i le Tanielu 6:23.)

Molimau:

Faamatala atu se taimi na faafofogaina ai e le Tama Faalelagi au tatalo. Fai i tamaiti e faamatala mai ni mea ua latou iloa e uiga i le tatalo.

Tau i tamaiti lou agaga faafetai ona ua mafai ona tatou tatalo atu i le Tama Faalelagi, ma tautino atu i ai e faafofoga mai le Tama Faalelagi i a tatou tatalo.

Afai e te fai atu i se tamaitiiti e faia le tatalo faaiu, toe vaavaai le ala e saunia ai e tatalo.

Molimau:

O le a le mea e tatau ona tatou fai e saunia ai e tatalo? (Piilima, punonou ulu, ma moeiini mata.)
O le a le mea muamua e tatau e (tau le igoa o le tamaitiiti) ona tau i le tatalo?
O le a se mea e mafai e (tau le igoa) ona faafetai atu ai i le Tama Faalelagi?
O le a se mea e mafai ona aioi atu ai (tau le igoa) i le Tama Faalelagi?
E faapefea ona faauma e (tau le igoa) le tatalo?

O Isi Gaoioiga E Faamauoa Ai

Filifili nisi o nei gaoioiga e faaaoga i le taimi o le lesona.

Togi se mea galemulemu, pei o se taga fatu pi po o se polo i tamaiti. A tofu sapo uma tamaiti, ona fai loa lea i ai e faauma le fuaiupu “Pe a ou tatalo, e mafai ona ou faafetai i le Tama Faalelagi mo .” Atonu e tali mai le tamaitiiti, “Lo’u Aiga.” A soo uma tamaiti, toe fai le gaoioiga ma fai i tamaiti e tau igoa o mea e mafai ona aioi atu ai i le Tama Faalelagi pe a latou tatalo. E mafai ona e faaali atu ata e fesoasoani ai i o latou mafaufau.
Faitau atu upu o le pese “A Song of Thanks” (Children’s Songbook, p.20) ma fai taga o lo o taua i lalo.

Faafetai i lau afio mo le lalolagi matagofie (faalapotopoto lima e faatusa ai le lalolagi);

Faafetai i lau afio mo meaai (faafoliga o lo o tuu meaai i le gutu);

Faafetai i lau afio mo manulele o lo o pepese (Tuu faaputuputu faatasi tamatamai lima ma le lima matua e faafoliga o se gutu o se manulele);

Faafetai i lau afio, le Atua, mo mea uma (fofola faalautele lima)!

(From First Year Music by Hollis and Dann. Copyright © 1957 by D.C. Heath and Company. Reprinted by permission.)
Faitau atu le solo lea “Ou te Faafetai mo O’u Mata,” ia tusi i vaega taitasi o le tino pe a tau:

Ou te faafetai mo o’u mata,

Lou isu, lou gutu ma ou taliga;

Ou te faafetai mo ou vae, ogavae ma tamatamai vae,

Ou ogalima, ou lima ma tamatamai lima.

(Adapted from a verse by Lucy Picco.)
Ia faatino e tamaiti le tala ia Tanielu i le lua o leona. E mafai ona e aumai ni lavalava faigofie. Afai e te le manao e faatino le tala atoa, ia fai i tamaiti e faafoliga i ni leona feai, ona mapuni lea o o latou gutu e pei ua tapunia e se agelu.
Fai faatasi upu o le pese “Faafetai i lo tatou Tama” (Children’s Songbook, p.20) po o le “E Punonou O Matou Ulu” (Children’s Songbook, p.25).
Faatonu tamaiti e tusia ni ata o mea e mafai ona latou faafetai atu ai i le Tama Faalelagi pe a latou tatalo. Ia tusia i ata taitasi upu ia: A ou tatalo, e mafai ona ou faafetai atu i le Tama Falelagi mo:

Gaoioiga Faaopoopo Mo Tamaiti Laiti

Faamanatu i tamaiti pe a tatou tatalo, o lo o tatou talanoa i le Tama Faalelagi, o le e alofa ma faafofoga mai ia te i tatou. Fesoasoani i tamaiti e fai le solo lea:

Ou te alofa i lo’u Tama Faalelagi;

Ou te faafetai ia te ia pe a ou tatalo i aso taitasi;

E alofa lo’u Tama Faalelagi ia te au;

Na te lagona mea ou te tau atu.
Fesoasoani i tamaiti e fai se solo se tasi po o le fai uma foi, ma faataitai taga e fetaui:

E piilima o matou lima, e punonou o matou ulu,

O o matou mata e moeiini, ua matou sauniuni.

E piilima o matou lima ma punonou o matou ulu

Ma faalogo lelei a o tatalo atu i upu.
Ia lolomi ata o lima o tamaiti taitoatasi i se laupepa. Talanoa i mea e tatau ona faia i o tatou ogalima ma lima a o faia le tatalo. Ia valivali e tamaiti ata o o latou lima. Ia tusia igoa o tamaiti i ata o o latou lima.