Aomata aika Ko na Ataia

Akeriba

te Uea n Rom ae tautaeka i Iteraera. Bauro e tuanga Akeriba taekan Iesu Kristo.

Anania

ana reirei Iesu Kristo ae maeka i Tamateko. E kakabwaia Bauro ao e tararuaia imwiin ae mataki Bauro n tain te kaotioti.

Baritaio

aia mataniwi Iutaia. Angiia a ribaa Iesu ao Ana reirei.

Bauro

te mwaane ae aki tangiriia ana reirei Iesu ni karokoa e nora Iesu n te mii ao e a rairaki. Imwiina e beku ibukin te Atua ao e riki bwa te Abotoro. E kinaki naba n arana ae Tauro.

Betero

temanna ana Abotoro Iesu ake Tengaun ma Uoman ao te Beretitenti n te Ekaretia imwiin maten Iesu

Bontio Birato

te kowana n Rom i Ierutarem. A tuanga Birato tenaan Iutaia bwa a na kamatea Iesu iaon te kaibangaki, ao e kariaia Birato bwa e na kamateaki Iesu.

Eria

te burabeti n te O Tetemanti

Eritabeta

tinan Ioane te Tia Bwabetito

Erote

te uea ae buakaka ae tautaeka i Ierutarem ngke e bungiaki Iesu. E tiringiia ni kabane ataei i Betereem ma te kantaninga are e na tiringaki te ataei are Iesu.

Iakobo

temanna mai ibuakoia Ana Abotoro Iesu ake Tengaun ma Uoman. Bon temanna mai ibuakoia ana kauntira Betero imwiin maten Iesu.

Iesu Kristo

natin te Atua ao te Tia Kamaiua te aonaaba. E karawawataaki ao e mate ibukin ara bure.

Ioane

temanna ana Abotoro ake Tengaun ma Uoman Iesu. Bon ana kauntira Betero imwiin maten Iesu.

Ioane te Tia Bwabetito

te burabeti are e bwabetitoa Iesu. Bon natin Takaria ao Eritabeta te mwaane.

Iotebwa

Buun Maria. Iotebwa e tararua raoi Iesu ao Maria.

Iotebwa Timiti

Ngke te ataeinimwaane Iotebwa Timiti, te Tama are i Karawa ao Iesu Kristo a kawaria. A tuangnga bwa e na akea te ekaretia ae na kainna iaon te aba ibukina bwa a bane n raroa ma te koaua. Rinanon Iotebwa Timiti, te Ekaretia ae koaua e kaokaki nakon te aonaaba.

I-Rom

aomata aika a tautaekana te aba are maeka iai Iesu inanon Maiuna

Itaia

te burabeti n te O Tetemanti are e korea taekan Iesu

I-Tamaria

te botanaomata aika a maeka n te aba are e maeka iai Iesu. Iutaia ao I-Tamaria n tainako aki tangiriia imarenaia.

Iuta are Itekariota

temanna ana Abotoro Iesu. Iuta e kamwanea Iesu nakoia mwaane aika buakaka ibukin 30 mwakorokoron te tirewa.

Iutaia

I-Iteraera ake mwakoron aba n uean Iuta. Iesu bon te Iutaia.

Kaberiera

te anera are e kawara Maria ao n tuangnga bwa e na riki bwa tinan Iesu. Kaberiera e nakon naba Takaria ao n tuangnga bwa e na reke natina te mwaane ae arana Ioane te Tia Bwabetito.

Kaiaba

aia ibonga ae rietata Iutaia are e irekereke ma kabuakakaan Iesu ma Katakina

Maria

tinan Iesu

Maria ao Mareta

mwaanen Rataro ao raoraon Iesu

Maria te I Maketara

Raoraon Iesu ao te moan n aomata n noora Iesu imwiin Mangautina

Matia

ana reirei Iesu are e weteaki bwa e na onea mwiin Iuta are Itekariota bwa temanna te Abotoro n te Tengaun ma Uoman

Mesia

aran Iesu Kristo teuana

Moote

te burabeti n te O Tetemanti

Nei Ana

te aine ae mate buna ae kakaonimaki e nora Iesu ngke te Ataei n reireiniia aomata bwa Iesu bon Natin te Atua ao te Tia Kabooi Maiura

Nikotemo

te tia tautaeka irouia Iutaia ake a kakoaua bwa Iesu bon te Tia Kamaiu. Iesu e reireina Nikotemo aron te bwabetito.

Rataro

te mwaane ae kamaiuaki iroun Iesu man te mate

Tabita

te aine ae tamaroa are e kamaiua Betero

Tairati

aia mataniwi Iutaia i Kaberenaum. Iesu e kauta natina man te mate.

Takaria

taman Ioane te Tia Bwabetito

Tamara are i Karawa

taman rabwatara n tamnei. Ti tataro Nakoina.

Tatan

natin te Tama are i Karawa n tamnei. E aki ognotaeka nakon te Tama are i Karawa, ngaia ae e kanakoaki mai i karawa. E riki bwa te riaboro. E kataia Tatan n anai nanoia aomata bwa a na karaoa te bwai ae bure.

Tauro

taraa Bauro

Te Atua

e kona n ae te Tama are i Karawa ke Iesu Kristo

Te Tamnei ae Raoiroi

temanna mai ibuakoia taian Atua ake teniman. E buoka Iesu Kristo ao te Tama are i Karawa. Iai mwakana ni buokiia aomata n ataa te koaua. Ngaia bon te tamnei ao akea rabwatana ae te iriko ao te rii.

Tetebano

te mataniwi ae raoiroi n Ana Ekaretia Iesu Kristo. E tiringaki irouia Bwaritaio.

Tia Kamaiu

Iesu Kristo bon te Tia Kamaiu. E karawawataaki ao e mate ibukin ara bure. Ibukina, ngaia are a kona ni kabwaraaki iai ara bure, ngkana ti rairananora, ao ti na maeka n akea tokina.

Timeon

te mwaane ae raoiroi are e nora te ataei ae Iesu n te tembora i Ierutarem

Timon

te mwaane i Tamaria. E kataia ni kaboa te nakoanibonga mairoun Betero ao Ioane. A reireinna bwa e aki kona te aomata ni kaboa te nakoanibonga.

Tira

te mitinare ao raoraon Bauro