Mwakoro 17
Aomata aika Un i Natareta
Iesu e nako n te mwaneaba, te tabo are a tataromauri iai Iutaia. E teirake man wareware man koroboki aika tabu. E wareki ana taeka te burabeti Itaia. E a tia n taekinna Itaia bwa e na roko te Tia Kamaiu nako aonteaba ao ni buokia ni kabane aomata.
Ngke e kaini booki aika tabu Iesu ao e tekateka, a bane n taraia aomata ni kabane.
E taekinna Iesu bwa ana taeka Itaia bon rongorongona—bwa Ngaia bon te Tia Kamaiu. A bon miimi aomata n Ana taeka. A taku, “Tiaki bon natin Iotebwa Teuaei?” A aki kakoaua bwa Iesu bon Natin te Atua.
E ataa aia iango te Tia Kamaiu. A tangiria bwa e na karaoa te kakai. Ma e tuangia Iesu bwa E na aki karaoa te kakai nakoia ibukina bwa akea aia onimaki Irouna.
Aio e karika unia aomata. A kaira Iesu nako etan te katabuki ao n tangiria bwa a na kabwaka.
E karaba Iesu mai irouia ao e nakon te kaawa teuana.