Mwakoro 39

Iesu e kaurei matan te mwaane ae mataki

Iesu ao ana reirei a kaineta te mwaane ae mataki

N te bong teuana e mwananga Iesu ma Ana reirei. A noora te mwaane ae e mataki ma ngke e moan bungiaki. A titiraki ana reirei Iesu bwa e mataki teuaei ibukina bwa e karaoa te bure ke ibukina bwa ana karo a tia ni karaoa te bure.

Ioane 9:1–2

Iesu e taetae nakon te mwaane ae mataki

E taku te Tia Kamaiu bwa a aki bure ana karo ao e aki naba bure teuaei. E mataki teuaei bwa e aonga Iesu ni kamaiua ao ni kaota mwaakan te Atua nakoia aomata.

Ioane 9:3–5

Iesu e kaurea matan te mwaane ae mataki

Iesu e karaoa te bokaboka man te tano. E kabiri iai matan teuare e mataki. Iesu e tuanga teuarei bwa e na nako ni kabururui matana.

Ioane 9:6–7

te aomata ae mataki e kabururui matana

N te tai naba are e teboka iai te bokaboka man matana, ao e a noraaba!

Ioane 9:7

aomata aika a wingare

Ngke a nooria kaain rarikina, a aki koaua bwa antai ngaia. E tuangiia bwa e kamaiuaki iroun Iesu. Kaain rarikina a kaira te mwaane arei nakoia Bwaritaio. Te mwaane aei e tuangiia Bwaritaio bwa Iesu ae e kamaiua.

Ioane 9:8–11

mwaane a titirakina te aomata ae mataki

Tabeman Bwaritaio a taku bwa Iesu bon te aomata ae kororaoi. Tabeman a taku bwa Ngaia bon te tia bure. Ngke e taekinna te mwaane aei bwa Iesu bon te aomata ae kororaoi, tabeman Bwaritaio a un ao a tewea nako te mwaane.

Ioane 9:13–16, 30–34

Iesu e taetae nakon te mwaane

Iesu e kunea te mwaane. E titirakina te mwaane ngkana e kakoaua Natin te Atua. E titiraki te mwaane bwa antai Natin te Atua. E taku Iesu bwa Ngaia bon Natin te Atua, ao te mwaane e taromauriia.

Ioane 9:35–38