Mwakoro 32
Betero E Kakoaua Kristo
Iesu e titirakiniia Ana reirei bwa Antai Ngaia n aia iango aomata.
A kaeka Ana reirei bwa a taku temangina bwa Iesu bon Ioane te Tia Bwabetito. A taku temangina bwa Ngaia bon te burabeti n te O Tetemanti are e a tia n uti man te mate.
Iesu e titirakiniia Ana reirei bwa antai Ngaia n aia iango. E taku Betero: “Bon te Kristo ngkoe, are Natin te Atua are maiu.”
E kabwarabwara Iesu bwa e aki reke ana koaua Betero man wanawanan te aomata. E a tia ni karekea ana koaua man te kaotioti iroun te Atua.
Iesu e berita nakon Betero bwa e na anganna te nakoanibonga ao te kariaiakaki bwa e na kaira Ana Ekaretia. Ngkanne Betero ao ana reirei Iesu a na iai irouia te kariaiakaki bwa a na katea Ana Ekaretia Iesu iaon te aba.
Iesu e tuangiia Ana reirei bwa a na aki moa tuangiia aomata bwa te Kristo Ngaia. Te moan, E na riai moa ni kamarakaki, e na kamateaki, ao n uti man te mate n te kateni bong.