Te Kauoua n Taetae ni Kaikonaki
Te Mwane ae Bua
Iai ana mwane te aine ae 10 te tiring. E bua teuana ana mwane. E kakaea ni kabuta te auti.
N tokina e kunea te mwane. E bon rangi ni kukurei. E weteia raoraona ao kain rarikina bwa e na tuangiia. A rangi ni kimwareirei naba ngkai e kunea te mwane ae bua.
Mataniwin ao kaain te Ekaretia bon titebo ma te aine n te karaki; te mwane ae bua titebo ma kain te Ekaretia ae aki nanako n te taromauri ke ni kataia ni maiuakin riki tuua. Titebo ae kanga a bua man te Ekaretia. Iesu Kristo e tangiriia kaain te Ekaretia bwa a na kakaia tariia ma mwaneia ake a bua ao ni buokiia ni kaokiia Nakoina. E rangi ni kukurei ngkana e karaoaki aei.
Iesu te Kristo, 455–56
Raao ao kaain rarikira n te karaki titebo ma ana anera te Atua. A rangi ni kukurei anera ngkana e raira nanona te aomata.