Mwakoro 19
Te Kabwarabwara i aon te Maunga
Te bong teuana Iesu e reireiniia Ana reirei te euangkerio iaon karabeen te maunga irarikin Namani Kariraia.
E tuangiia bwa a na kanga ni maiu bwa aonga ni kona ni kukurei ao ni manga maeka ma te Tama are i Karawa. Bwaai ake E reireiniia a kona ni kakukureira naba.
E taekinna Iesu bwa ti ria n nimamannei, n taotaonaki n nano, ao n ongotaeka nakon te Tama are i Karawa.
Ti riai ni kataa ara kabanea ni kona ni bwaina te raoiroi.
Ti riai ni kabwarai aia bure aomata aika a kamarakira ke ni kauniira. Ngkana ti kabwarai aia bure, te Tama are i Karawa e na kabwarai ara bure.
Ti ria n riki bwa taan karaoa te raoi, taan tangiria aomata tabeman, ao taan buokiia ni kabane bwa a na itangitangiri imarenaia.
Ti riai n aki maaku n tuangiia aomata taekan te euangkerio ke ni kaotia nakoia bwa ti tangira Tamara are i Karawa. Ngkana a noorira aomata ake tabeman bwa ti karaoa ae raoiroi, e na buokiia ni kakoaua naba te Atua.
Ti riai ni kawakin ara berita n tainako .
Ao n aron are ti tangiriia tabeman bwa a na akoi nakoira, ti riai n akoi naba nakoia.
E taku Iesu bwa ngkana ti karaoi bwaai aikai, ti na kukurei, e na kakabwaiaira Tamara are i Karawa, ao ti na manga maeka ma Ngaia.