Mwakoro 26
E Kabwara Ana Bure te Aine Iesu
Te Bwaretaio e tuanga te Tia Kamaiu bwa e na nakon ana auti n amwarake ma ngaia.
Te aine ae rawata ana bure e maeka n te kaawa. E ataia bwa Iesu e amwarake n ana auti te Bwaretaio. E tangiria ni karaoa te bwai ae onoti ibukin Iesu.
E katorobubua ao e teboki waen te Tia Kamaiu n rannimatana. Imwiina e kamwaua Waena n irana ao e kaboria ma ngaia. E kabiri naba waena n te bwaa ae boiarara. Te Bwaretaio e ataia ae e a tia te aine ni karaoi bwaai aika mwaiti aika bure. E taku n ana iango bwa e aki riai Iesu ni kariaia te aine bwa e na ringaki irouna.
Iesu e ataa te bwai ae iangoia te Bwaretaio. E tuanga te Bwaretaio bwa e a tia te aine ni karaoa ae bati riki n tararuaia nakon te Bwaretaio. Te Bwaretaio e tuai angan Iesu te ran bwa E na kaitiaki waena ke te bwaa ibukin Atuna, n aron ae aki toki ni kakaraoaki ibukiia iruwa.
Iesu e tuanga te Bwaretaio bwa a kabwaraki ana bure te aine bukina bwa e tangira te Tia Kamaiu ao n iai ana onimaki Irouna. Iesu e tuanga te aine bwa e na nako ma te rau.
Ruka 7:47–50; Reirei ao Berita aika Tabu 58:42–43; Iesu te Kristo, 262–63