Mwakoro 23

Te Mwaane ae Aki Kona n Nakonako

Iesu e reireinia aomata

N te bong teuana ao Iesu e reireinia te kurubu n aomata inanon te auti.

Ruka 5:17

mwaane a tabeka temanna te mwaane n te kainiwene

Tabeman mwaane a tabeka raoraoia n te kainiwene bwa a na nakon Iesu. E aki kona n nakonako. E aki reke aia anga mwaane aikai ni karinna inanon te auti ibukina bwa a rangi ni mwaiti aomata.

Ruka 5:18–19

mwaane a karuoa te mwaane n te kainiwene nako nanon te auti

Mwaane aikai a uota raoraoia nako taubukin te auti. A kanakoi tabeua taian rau ao a karuoa raoraoia nako nanon te auti.

Mareko 2:4; Ruka 5:19

Iesu e kamaiua te mwaane

Ngke E noora aia onimaki ae korakora mwaane aikai, Iesu e tuanga te mwaane aei bwa a kabwaraki ana bure. E tuanga bwa e na anaa ana kainiwene ao n okira mwengana. E teirake. E a kamaiuaki. E tabeka ana kainiwene ao e okira mwengana. E rangi ni karabwarabwa nakon te Atua.

Ruka 5:20, 24–25