Mwakoro 12

Te Mare i Kana

Maria e taetae nakon Iesu

Iesu Kristo ao Ana reirei a ira te baka ibukin te mare i Kana. Maria, tinan Iesu, e mena naba ikekei. E tuanga Iesu bwa e a bane te wain ibukia iruwa.

Ioane 2:1–3

Iesu e taetae nakon Maria

Iesu e karinea man tangira tinana. E tuanga bwa tera ae tangira bwa e na karaoia.

Ioane 2:4 (tarai bwaai aika a na taraaki 4a)

Iesu ao Maria a taetae nakoia tooro

Maria e tuangia tooro ake n te mare bwa a na karaoa te bwai are e tuangia Iesu.

Ioane 2:5

tooro a kanoai nnen raan n te ran

Iesu e tuangia tooro bwa a na kaoni onoua kaatibu n ran n te ran. Mwaitin kanoan nnen raan nako bon imarenan 18 ao 27 te kaaran (68 ao 102 te riita). E onika te ran nakon te wain.

Ioane 2:6–7

tooro a kabwaroa te wain mani nnen te ran

E tuangia tooro bwa a na uoti wain ake a mena ni nnen te ran ao n kabutia nakon teuare e tararua te botaki.

Ioane 2:8

te mwaane ae e mooi n te wain

E bon rangi ni miimi teuare e tararua te botaki ngke e nima te wain. Te wain are te kabanea n raoiroi e kabutaki ni moan te botaki. Ma n te tai aei, te wain ae te kabanea n raoiroi e kabutaki n te kabane.

Ioane 2:9–10

Iesu ao Maria

Aio te moan kakai ae koreaki are e karaoia Iesu n ana tai ni maiu i aonteaba. E karaoa aei ni buoka tinana. E kakorakora naba aia onimaki Ana reirei.

Ioane 2:11