Mwakoro 5

E a bungiaki Iesu Kristo

I-Rom a rikoi aia taekiti aomata

Aia embera kaain Rom e karaoa te tua are a riai aomata ni kabane ni kabwaka aia taekiti. Iotebwa ao Maria a maeka i Natareta. A mwananga n te raroa ae 65 te maire (105 km) nako Betereem bwa a na kabwaka aia taekiti.

Ruka 2:1–5

Iotebwa ao Maria ngke a mwananga

E bon aki bebete aei iroun Maria bwa e na mwananga nako Betereem. I aon kawaina ngkai ni bung.

Ruka 2:4–5

Iotebwa ao Maria n te auti n iruwa

Ngke a roko i Betereem Iotebwa ao Maria, a bane n onrake taian ru irouia aomata. Akea riki te tabo ae a na mena iai ma ai bon ti nneia maan. Nneia maan bon te tabo are a kawakinaki iai maan.

Ruka 2:6–7

Iotebwa, Maria, ao Iesu te teei

E bungiaki te teei n te tabo aei. Maria e nira Iesu n te kunnikai ao e kawenea ni nnen kanaia maan. Iotebwa ao Maria a arana te teei bwa Iesu.

Ruka 2:7, 21

te anera ngke e kaoti nakoia taan kawakin tiibu

N te tairiki are e bungiaki iai Iesu, taan kawakin tiibu a bon tararuaia aia tiibu n te tawana i Betereem. E kaoti te anera nakoia. A bon maaku taan kawakin tiibu.

Ruka 2:8–9

te anera ngke e kaoti nakoia taan kawakin tiibu

E tuangia te anera bwa a na aki maaku. Iai ana rongorongo ae kakukurei: Te Tia Kamaiu, Iesu Kristo, e a tia ni bungiaki i Betereem. A na nooria bwa e wene ni nnen kanaia maan.

Ruka 2:10–12

taan kawakin tiibu ngke a kawara Iesu te teei

Taan kawakin tiibu a nako Betereem, ike a noora iai Iesu te teei.

Ruka 2:15–16

taan kawakin tiibu a maroro ma aomata

A rangi ni kukurei taan kawakin tiibu n noora te Tia Kamaiu. A tuangia naba aomata ake tabeman ni kabane baike a tia n ongo man noori.

Ruka 2:17, 20