Mwakoro 21

Iesu E katoka te Ang ma Naao

te booti iaon taari ae buaka

Iesu ma Ana Reirei a mena n te booti iaon Namani Kariraia. E matu nako Iesu. E kare te ang ae rangi ni korakora, ao naao a kaona te booti n te ran. A maaku ana reirei bwa mwina e na inako. A kauta Iesu ao ni butia bwa E na buokia.

Ruka 8:22–24

Iesu e katoka te buaka

Te Tia Kamaiu e tua nakon te ang bwa e na toki ao naao bwa a na raoi. E toki te ang, ao e raoi taari.

Ruka 8:24

Iesu e reireinia ana reirei

Iesu e titirakinia ana reirei bwa bukin tera ngkai a maaku. E taku bwa a riai ni kakorakora riki aia onimaki. A miimi bwa te aeka n aomata ra aei ae e taua mwin te ang ma taari.

Mareko 4:40; Ruka 8:25