Mwakoro 20
E reirei Iesu aron te Tataro
Iesu e reireinia Ana abotoro aron te tataro. E taekinna bwa tabeman aomata a tataro bwa aonga n nooraki irouia ake tabeman bwa a tataro. E reirei Iesu bwa ti riai ni karaoi ara tatarao n ae onoti n te tabo are bon ti ngaira iai, ngkana e kona.
E taku bwa tabeman aomata a okioki baike a taekin n aia tataro. A aki raoi iangoa te bwai are a taekinna. E taekinna Iesu bwa ti riai n tataro ma nanora ibukin baike ti kainnanoi.
E taekina te tataro te Tia Kamaiu ni kaota nakoia Ana reirei aron te tataro. E waaki man atongan, “Tamara … are i karawa.” E karabwa Tamara are i karawa ao imwina e bubutia ana ibuobuoki. E taekina “amen” ni kabanean Ana tataro. Imwina, Iesu e tuangia Ana reirei bwa a na tataro nakon te Tama n Arana. E berita bwa Tamara are i Karawa e na kaekai aia tataro.