Mwakoro 63

E Kabanea Ana Mition Bauro

mwaane aika a tatakarua nakon Bauro

E nako Bauro nakon te tembora i Ierutarem. Te kurubu n Iutaia a taku bwa e a tia Bauro n kariniia aomata aika tiaki Iutaia n te tembora. Aio e kauniia tenaan Iutaia. A kaotinakoa Bauro man te tembora ao a tiribooia.

Mwakuri 21:26–32

tautia a tei irarikin Bauro

Tautia mai Rome a katika Bauro. A anganna ana tai bwa e na taetae nakoia Iutaia. Bauro e kaota ana koaua nakoia aomata bwa e a tia n noora te oota mai karawa ao n ongo bwanaan te Tia Kamaiu. E taku bwa e tuangaki iroun Iesu bwa e na tataekina te euangkerio.

Mwakuri 21:33–40; 22:1–15

tautia a kaira nako Bauro

Aomata aki kakoauaa Bauro. A tangiria n tiringnga. Tautia a kamatawarika Bauro n te tairiki anne.

Mwakuri 22:22–30

Te Tia Kamaiu e kaoti nakon Bauro

Te Tia Kamaiu e kawara Bauro n te karabuuti man tuangnga bwa e na aki maaku. E taku bwa Bauro e na nakon te aba ae Rome ao n tataekina te euangkerio ikekei.

Mwakuri 23:11

Bauro e reireiniia aomata

Ni kamanoa Bauro, kaain Rome a kanakoa nakon te kaawa teuana. E mena ikekei Te Uea ae Akeriba. Bauro e tuanga Te Uea ae Akuriba bwa e a tia n riki bwa te Bwaritaio ao n tia naba n ribaia aomata ake a kakoauaa Iesu. E a tia naba n kamatawarikiia. Bauro e a tia n noora te oota mai karawa ao n ongo bwanaan te Tia Kamaiu. E a kakoauaa Iesu Kristo.

Mwakuri 23:12–35; 25:13–23; 26:1–15

Bauro e reireina Te Uea ae Akeriba

Bauro e kaota ana koaua nakon Te Uea ae Akeriba bwa e koaua te euangkerio. E taekiinna bwa Iesu e a tia ni mangauti. N te mii, Iesu Kristo e a tia n tuanga Bauro bwa e na tataekina Ana euangkerio. Ibukina bwa e ongotaeka Bauro, a mwaiti aomata aika a ribaa Bauro.

Mwakuri 26:16–23

tautia a kaira Bauro nakon te booti

Te Uea ae Akeriba e taku bwa e kuri ni kairoroaki iroun Bauro bwa e na kakoauaa Iesu. Iroun te uea ao e bon riai n aki tiringaki Bauro. Ma e riai ni kanakoa Bauro nako Rom, are e na kabowiaki iai Bauro.

Mwakuri 26:27–32

E koroboki Bauro iaon ninira ni boki

E kamatawarikaki Bauro i Rom n te maan ae uoua te ririki. E mwaiti aomata ake a roko bwa a na nooria. E reireiniia te euangkerio. E korei ana reta Bauro nakoia kaain te Ekaretia n taabo ake tabeua. Tabeua taian reta aikai, ake a aranaki bwa taian boki, a mena n te Nu Tetemanti.

Mwakuri 28:16–31

E tataro Bauro

E ataia Bauro bwa e na bon tiringaki. E aki maaku. E a tia n ongotaeka nakon ana tua nako te Atua. E a tia n tataekina te euangkerio. E a bane ana mition. E ataia Bauro bwa e tangiria Tamara are i Karawa. E ataia naba bwa imwiin matena, ao e na maeka ma Tamara are i Karawa ao Iesu Kristo.

2 Timoteo 4:6–8