Mwakoro 30

Te Bwerena ni Kamaiu

N te bong are imwina a mwaiti aomata ake a kataia ni kakaea Iesu. A iriria nako Kaberenaum n taian booti.

Ioane 6:22, 24

E ataia Iesu bwa a tangiria ni manga kamwarakeaki riki Irouna.

Ioane 6:26

E reireinia Iesu bwa te bwerena e na ti kamaiuia ibukin te tai ae aki maan. E taekinna bwa iai riki te aeka ni bwerena are a riai n ukeria—te Bwerena ni Kamaiu. E tuangia bwa Ngaia bon te Bwerena ni Kamaiu.

Ioane 6:27, 32–35

Iesu e reireinia aomata bwa E na anga Maiuna ibukia. E taekinna bwa ngkana a kan iriria ao ni kakoaua, a na karekea te maiu ae akea tokina.

Ioane 6:47–51