Mwakoro 14
Nikotemo
Nikotemo bon kaain aia kurubu Iutaia ae aranaki bwa Bwaritaio. Bon ngaia naba te tia tautaeka irouia Iutaia. A mwaiti Bwaritaio ake a aki kakoaua bwa e roko Iesu Kristo mai iroun te Atua. Ma Nikotemo e kakoaua ibukin kakai ake e karaoi Iesu.
E roko Nikotemo bwa e na maroro ma te Tia Kamaiu n te tairiki teuana. E tuangaki iroun Iesu bwa akea ae kona n rin n abanuean te Atua ngkana e aki manga bungiaki.
E aki ota Nikotemo. E na kanga ni manga bungiaki te aomata? E kabwarabwara te Tia Kamaiu bwa E taetae iaon bwaai aika a kaineti ma te tamnei. Ni karekea te manga bungiaki, e riai te aomata ni bwabetitoaki n te ran ao ni karekea te Tamnei ae Raoiroi.
E kabwarabwara Iesu bwa E kanakomaiakaki nakon te aonaaba bwa e na buokira bwa ti na bane n okira Tamara are i Karawa. E taekinna bwa E na maraki ibukin ara bure ao e na mate iaon te kaibangaki bwa ti aonga ni karekea te maiu ae akea tokina.
E taku bwa ti riai ni kakoaua ao n rinea te eti. Ngkana ti karaoa ae eti, ti na maeka n aki toki n abanuean te Atua.