Mwakoro 61
Bauro ao Tira n te Karabuti
N tainako ngkana a nakonako Bauro ao Tira irarikina, te ataeinnaine e rimwiia. N tain irirakiia, e taetae te tamnei ae buakaka. N te bong teuana Bauro e tuanga te tamnei ae buakaka bwa e na kitana neienne. E mwakuri. Mwaane ake e mwakuri neienne ibukiia a un. Ngkai aikoa kona ni karekea te mwane.
A uotaki Bauro ao Tira irouia mwaane nakoia mataniwiin te kaawa. A taku bwa a tia Bauro ao Tira ni karika te kaangaanga.
Mataniwi ngke a tia ni webaniia Bauro ao Tira ao a katukaki n te karabuti.
N te tairiki anne Bauro ao Tira a tataro ao n anene nakon te Tama are i Karawa. Kain te karabuti ni kabane a ongora n aia anene. N te tai ae waekoa e moanna ni mwaeiei aontano. A uki mataroan te karabuti.
E a uti te tia tantani ao a noori mataroa bwa a uki. E taku n ana iango bwa a birinako naake a kainaki. Bauro e tuangiia taan tantani bwa a na aki raraoma. Naake a kabureaki a bane ni mena ikekei. A katorobubua taan tantani imatan Bauro ao Tira ao n titiraki bwa a kanga ni kamaiuaki.
Bauro ao Tira a reireina te tia tantani ao ana utu taekan te euangkerio. N te tairiki anne te tia tantani ma kaain ana utu a bwabetitoaki.
N te bong are imwiina Bauro ma Tira a kainaomataki irouia mataniwiin te kaawa. Bauro ao Tira a nakon te kaawa riki teuana ni karaoi mwakuri riki ni mitinare.