Mwakoro 59
Tauro e Reiakina Taekan Iesu
Tauro e matakuakiniia aomata ngke a tiringa Tetebano. N te bong teuana ao Tauro e nakonako nakon te kaawa i Tamateko ma tabeman raoraona. E tangiria ni kariniia ana reirei Kristo tabeman n te nne ni kaikain.
E waekoa n roko te oota mai karawa ni katobibia. E bwaka nako aontano. Ao Tauro e ongo bwanaan Iesu ngke e tuangnga bwa bukin tera ngkai e kataia ni kamarakiia Aika Itiaki. E maaku Tauro. E tuanga Iesu te bwai ae e na riai ni karaoia. Te Tia Kamaiu e taetae nakon Tauro bwa e na nako Tamateko. Ikanne are Tauro e a tuangaki te bwai ae e na riai ni karaoia.
Tauro e kaurei matana, ma akea te bwai ae kona n nooria. E matakii. A kairia raoraona nako Tamateko.
Ana reirei Iesu Kristo ae arana Anania are e maeka i Tamateko. N te mii ni burabeti, Iesu e tuanga Anania bwa e na nakon Tauro.
Anania iai te nakoanibonga irouna. E katoka baina iaon atuun Tauro ao ni kakabwaia bwa e na oki ana taratara Tauro. Imwiin kamaiuakina, Tauro e bwabetitoaki ao ni karekea ana bwai n tituaraoi te Tamnei ae Raoiroi.
Tauro e bita arana nakon Bauro. E weteaki bwa e na riki bwa te Abotoro. E riki bwa te mitinare ibukin te Ekaretia. E korei reeta aika a mwaiti. E nakon aaba aika mwaiti ao n reireiniia te euangkerio.