Mwakoro 11
E kaririaki Iesu
Iesu e nako nakon te rereua bwa e na raona te Atua. E maroro te Tia Kamaiu ma Tamara are i Karawa. E aki amwarake inanon 40 te bong ibukina bwa E aki mamatam.
Mataio 4:1–2 (tarai bwaai aika a na taraaki 1b ao 2c); Ruka 4:1–2 (tarai bwaai aika a na taraaki 2a)
E roko teuare e buakaka ao e kariria Iesu ni kakoaua ngkana Ngaia bon Natin te Atua. Te moan, e tuanga Iesu bwa e na biti atibu nakon te bwerena. E bon baki Iesu, ma E ataia bwa E riai ni kabongana Mwaakana ti ibukin buokakia aomata. E aki karaoa are e taekinna teuare e buakaka.
Mataio 4:2–4; Iesu te Kristo, 128–29
Imwina ao e kairaki Iesu iroun te Tamnei ae Raoiroi nakon te tabo ae rietata i taubukin te tembora. E kaririaki Iesu iroun teuare e buakaka te kauatai, e tuangaki bwa e na kibanako mai ietan te tembora. E taekinna teuare e buakaka bwa ngkana Ngaia bon Natin te Atua, a na bon aki kariaia anera bwa e na ikoaki. E aki kibanako Iesu. E ataia bwa e bon kairua ae e na kabongana mwaakana ae tabu n te aekaki aei.
Mataio 4:5–7 (tarai bwaai aika a na taraaki 5a ao 6a)
Imwina ao e kairaki Iesu iroun te Tamnei ae Raoiroi nakon etan raoi te maunga. E kaotii ni kabane abanuea ao kaubwain te aonaaba nakon Iesu. E tuangaki Iesu iroun teuare e buakaka bwa E na karekei baikai ngkana E ongotaeka irouna. E taku Iesu bwa E na ti ongotaeka iroun Tamara are i Karawa. E tuanga teuare e buakaka bwa e na nako. E kitanna teuare e buakaka. A roko anera ao a kakabwaia Iesu. E a tauraoi Iesu ni waakina Ana mwakuri.
Mataio 4:8–11 (tarai bwaai aika a na taraaki 8a ao 9a)