Mwakoro 9
Te Ataeinimwaane ae Iesu
Iesu e ikawai rake ni kaawan Natareta. E reiakin bwaai aika a bati ao n riki ni “matoa n tamneina … ao ana akoi te Atua e mena irouna.”
Ngke 12 ana ririki Iesu. E mwananga ma Iotebwa ao Maria n te kurubu nakon te bootaki i Ierutarem. A tiku ikekei ibukin tabeua te bong.
Ngke Iotebwa ao Maria a okira mwengaia, a taku bwa Iesu e a oki nako Natareta ma raoraona. Ma Iesu e tiku i Ierutarem.
Ngke Iotebwa ao Maria a kakaea Iesu, a aki kona ni kunea. Akea man aia kurubu ae a tia n nooria. Ngaia are Iotebwa ao Maria a manga oki nako Ierutarem. A kakaea Iesu inanon teniua te bong. A rangi n nanokawaki.
Tokin te tai ao a kunea Iesu n te tembora, ni marooro ma tabeman taan reirei. E kaekai aia titiraki. Taan reirei a kubanako ni mwaitin ana atatai Iesu.
Ruka 2:46-47 (taraa te taeka i nano 46c)
Maria e tuanga Iesu bwa ngaia ma Iotebwa a nang raraoma irouna. Iesu e kaeka bwa te bwai ae e karaoia bon ana mwakuri Tamana--Ana mwakuri te Atua. Iotebwa ao Maria a aki oota.
Iesu e nako Natareta ma Iotebwa ao Maria ao e ongotaeka nakoia.
Iesu e reiakin bwaai aika a bati ibukin Ana mwakuri Tamana are i Karawa.
E rikirake n abwabwaki ao man korakora.
Aomata a tangiria. E karaoi bwaai ake e tangiria te Atua bwa E na karaoi.
E Tangiria Te Atua.