Mwakoro 57

E Tiringaki Tetebano irouia Aomata aika a Buakaka

Abotoro a buoka te mwaane

A mwaiti taan kairiiri aika Iutaia ake a taku bwa a na toki kakai n te tai are e mate iai Iesu. Ma, a karaoi naba kakai Abotoro. A mwaiti aomata ake a kakoauaa Iesu Kristo ao ni kaaina te Ekaretia.

Mwakuri 4:1–4, 13–16; 5:14

tautia e kakamaaka te mwaane

Aio e kauniia taan kairiiri aika Iutaia aika mwaiti. A karina Betero ao Ioane n te karabuuti. E kariaia te Uea ae Erote Akuriba bwa e na tiringaki te Abotoro ae Iakobo.

Mwakuri 4:3; 12:1–2

Te Abotoro ae Tetebano

A weteaki itiman mwaane irouia Abotoro bwa a na buoka kairan te Ekaretia. Temanna bon te mwaane ae raoiroi ae arana Tetebano. E reirei te euangkerio nakoia aomata aika a mwaiti. Tabeman aomata aika a buakaka a kewe ao a taku bwa e a tia Tetebano n taetae ni kaitaraa aia tua Iutaia. A kairia bwa e na bowiakaki irouia aia tia kairiiri Iutaia.

Mwakuri 6:3–12

E reirei Tetebano nakoia aomata

Tetebano e tuangiia taan kairiiri bwa a buakaka. E taku bwa a tia n tiringa Iesu Kristo, are Natin te Atua.

Mwakuri 7:51–54

A kaoti Tamara are i Karawa ao Iesu nakon Tetebano

Imwina e tararake Tetebano nako karawa ao e noora Tamara are i Karawa ao Iesu Kristo. Ngke e tuangiia taan kairiiri te bwai are e nooria, a bon rangi n un.

Mwakuri 7:55–56

aomata a karebana Tetebano n taian atibu

A kaotinakoa Tetebano man te kaawa bwa a na tiringnga ni karebanaia n taian atibu. A kawenei kunnikaia irarikin waen te rorobuaka ae arana Tauro. Ngke e nang mate Tetebano, e bubutia te Atua bwa e na anaa tamneina nako karawa. E bubutia naba te Atua bwa e na kabwarai aia bure naake a tiringnga. Imwiin aei ao e a mate.

Mwakuri 7:58–60