“Գլուխ 42: Ֆար Վեստ, Միսսուրի: Հունվար – հուլիս 1838,” Վարդապետություն և Ուխտեր - Պատմություններ (2002), 161–63
“Գլուխ 42,” Վարդապետություն և Ուխտեր - Պատմություններ, 161–63
Գլուխ 42
Ֆար Վեստ, Միսսուրի
Հունվար – հուլիս 1838
Ջոզեֆը ստիպված էր թաքնվել: Տերը պաշտպանում էր նրան իր թշնամիներից, և նրանք չէին կարողանում գտնել նրան: Մի գիշեր նա նույն տանը մնաց, որտեղ գիշերում էին նաև նրա թշնամիները, որոնք չգիտեին, որ նա այնտեղ էր:
Մեկ այլ ժամանակ Ջոզեֆի թշնամիները չճանաչեցին նրան, երբ նա փողոցում անցավ նրանց կողքով:
Ջոզեֆը ճանապարհորդեց 1,000 մղոն դեպի Ֆար Վեստ, Միսսուրի: Միսսուրիում Սրբերը կառուցում էին այդ քաղաքը, որտեղ ստիպված եկել էին նահանգի այլ մասերից: Նրանք երջանիկ էին Մարգարեին տեսնելու համար:
Միսուրիում Եկեղեցու ղեկավարները չէին հետևում պատվիրաններին: Նրանցից ոմանք փորձում էին շատ փող վաստակել: Երբեմն նրանք զայրանում էին միմյանց վրա և չէին համաձայնվում Սրբերին ղեկավարելու եղանակների շուրջ: Նրանցից ոմանք զայրացած էին Ջոզեֆ Սմիթի վրա:
Օլիվեր Քաուդերին, Դեյվիդ Վիթմերը և այլ մարդիկ հեռացվեցին Եկեղեցուց: Նրանք այլևս Եկեղեցու անդամ չէին: Ջոզեֆը տխրեց, որովհետև այդ մարդիկ նրա ընկերներն էին եղել:
Այլ մարդիկ ընտրվեցին ղեկավարելու Եկեղեցին Ֆար Վեստում: Եկեղեցին սկսեց նորից ծաղկել այդ տարածքում:
1838թ. մայիսին Մարգարեն և նրա ընկերները այլ վայրեր սկսեցին փնտրել, որտեղ Սրբերը կարող էին քաղաքներ կառուցել: Մի օր նրանք եկան մի հատուկ տեղ, որը ըստ Հիսուսի անվանեցին Ադամ-օնդի-Աման: Հիսուսը այդտեղ խոսել էր Ադամի հետ: Ադամը այդտեղ էր բերել իր ընտանիքը և օրհնել նրանց իր մահից առաջ: Մի օր Հիսուսը, Ադամը և այլ արդար մարդիկ պետք է նորից հանդիպեն այդտեղ: