“Գլուխ 58: Եկեղեցու նոր ղեկավարը: Հուլիս – օգոստոս 1844,” Վարդապետություն և Ուխտեր - Պատմություններ (2002), 206–8
“Գլուխ 58,” Վարդապետություն և Ուխտեր - Պատմություններ, 206–8
Գլուխ 58
Եկեղեցու նոր ղեկավարը
Հուլիս – օգոստոս 1844
Առաքյալներից շատերը միսիայում էին:
Սիդնի Րիգդոնը Ջոզեֆ Սմիթի խորհրդականն էր: Բայց նա չէր հնազանդվում Տիրոջը և հեռացել էր Նավույից:
Երբ Սիդնի Րիգդոնը լսեց Ջոզեֆ Սմիթի մահվան մասին, նա վերադարձավ Նավու: Նա ուզում էր լինել Եկեղեցու ղեկավարը:
Այն Առաքյալները, որոնք միսիաներում էին, նույնպես վերադաձան Նավու, երբ լսեցին Ջոզեֆի մահվան մասին: Բրիգամ Յանգը Առաքյալների ղեկավարն էր: Նա ասաց, որ Տերը Առաքյալներին իշխանություն էր տվել ղեկավարելու Եկեղեցին մինչև նոր Նախագահի ընտրությունը:
Եկեղեցու անդամները ժողով անցկացրեցին: Առաջինը նրանց հետ խոսեց Սիդնի Րիգդոնը և ասաց, որ ինքը պետք է լինի Եկեղեցու ղեկավարը:
Ապա խոսեց Բրիգամ Յանգը և ասաց, որ Եկեղեցին պետք է ղեկավարեն Առաքյալները: Սուրբ Հոգին նրա հետ էր: Բրիգամ Յանգի ձայնը նման էր Ջոզեֆ Սմիթի ձայնին, իսկ որոշ մարդկանց անգամ թվաց, թե նա նման է Ջոզեֆ Սմիթին: Սրբերը գիտեին, որ Աստված ընտրել էր Առաքյալներին, որպեսզի նրանք ղեկավարեին Եկեղեցին, և նրանք բոլորը քվեարկեցին Առաքյալների օգտին, որ նրանք լինեին իրենց ղեկավարները: Սիդնի Րիգդոնը բարկացած էր: Նա վերադարձավ իր տուն և հիմնեց իր եկեղեցին: Նա այլևս Հիսուս Քրիստոսի Վերջին Օրերի Սրբերի Եկեղեցու անդամ չէր: