“Գլուխ 28: Մարգարե Ջոզեֆը կրկին գնում է Միսսուրի: Մարտ – մայիս 1832,” Վարդապետություն և Ուխտեր - Պատմություններ (2002), 108–12
“Գլուխ 28,” Վարդապետություն և Ուխտեր - Պատմություններ, 108–12
Գլուխ 28
Մարգարե Ջոզեֆը կրկին գնում է Միսսուրի
Մարտ – մայիս 1832
Հիսուսն ասաց, որ ցանկանում էր, որ Սրբերը հոգ տանեին աղքատների մասին: Նա ցանկանում էր, որ նրանք կիսվեին միմյանց հետ և օգնեին միմյանց:
Այս հայտնությունը ստանալուց հետո Ջոզեֆ Սմիթը և նրա ընկերները նորից գնացին Միսսուրի: Միսսուրիում Սրբերը ուրախ էին նրան տեսնելու:
Ջոզեֆը Սրբերին խնդրեց գալ ժողովի, որպեսզի նա նրանց պատմեր հայտնության մասին:
ժողովի ժամանակ Տերը Ջոզեֆին մեկ այլ հայտնություն տվեց: Հիսուսը երջանիկ էր, որ Սրբերը ներում էին միմյանց: Քանի որ նրանք այդպես էին վարվել, Նա ասաց, որ կների նրանց:
Այս հայտնության մեջ Հիսուսը Սրբերին նոր պատվիրան տվեց: Նա ասաց, որ Նա նրանց հող է տվել Սիոնում և նրանք պետք է կիսվեն այդ հողով միմյանց հետ: Բոլորը պետք է ունենան այն, ինչի կարիքն ունեն: Տերը նաև խնդրեց Սրբերին կատարելագործել իրենց տաղանդները և օգտագործել դրանք ի օգուտ Եկեղեցու:
ժալովից հետո Ջոզեֆը այցելեց Սրբերին շատ քաղաքներում: Դա երջանիկ ժամանակ էր նրա համար: Նա սիրում էր Սրբերին:
Մեկ այլ հայտնության մեջ, որը Ջոզեֆը ստացավ, երբ Միսսուրիում էր, Տերն ասաց, որ ամուսինները պետք է հոգ տանեն իրենց կանանց համար: Ծնողները պետք է հոգ տանեն իրենց երեխաների համար:
Տերը նաև ասաց, որ Սրբերը պետք է հոգ տանեն այն կանանց համար, ովքեր ամուսիններ չունեն: Սրբերը նաև պետք է հոգ տանեն այն երեխաների համար, ովքեր հայր կամ մայր չունեն:
Հիսուսն ասաց, որ Սրբերը պետք է տան ուտելիք և այլ պարագաներ եպիսկոպոսին, պահեստում պահելու համար: Նա ասաց, որ եպիսկոպոսը պետք է օգտագործի այն, ինչ կա պահեստում, օգնելով աղքատներին:
Միսսուրիում աշխատանքն ավարտելուց հետո Ջոզեֆ Սմիթը և Եպիսկոպոս Վիթնին շարժվեցին դեպի Կիրթլենդ: Նրանք ճանապարհորդում էին սայլակով:
Մի օր ինչ-որ բան վախեցրեց ձիերին, և նրանք սկսեցին արագ վազել:
Ջոզեֆը դուրս ցատկեց սայլակից, բայց չվնասվեց: Եպիսկոպոս Վիթնին ցատկելիս կոտրեց իր ոտքը:
Ջոզեֆ Սմիթը և Եպիսկոպոս Վիթնին մնացին հյուրանոցում: Եպիսկոպոս Վիթնին մնաց այնտեղ չորս շաբաթ: Ջոզեֆը մնաց նրա հետ, մինչև որ նրա ոտքը լավացավ:
Երբ նրանք հյուրանոցում էին, ինչ-որ մեկը թույն լցրեց Ջոզեֆի ուտելիքի մեջ: Նա ծանր հիվանդացավ:
Ջոզեֆը խնդրեց Եպիսկոպոս Վիթնիին իրեն օրհնություն տալ: Եպիսկոպոս Վիթնին քահանայության իշխանությամբ օրհնեց Ջոզեֆին, և նա ապաքինվեց:
Ջոզեֆը շնորհակալություն հայտնեց Աստծուն իրեն բուժելու համար: Երբ Ջոզեֆը և Եպիսկոպոս Վիթնին պատրաստ էին ճանապարհորդելու, նրանք վերադարձան տուն‘ իրենց ընտանիքների մոտ: