“Գլուխ 23: Վարդապետություն և Ուխտեր: Օգոստոս – նոյեմբեր 1831,” Վարդապետություն և Ուխտեր - Պատմություններ (2002), 90–92
“Գլուխ 23,” Վարդապետություն և Ուխտեր - Պատմություններ, 90–92
Գլուխ 23
Վարդապետություն և Ուխտեր
Օգոստոս – նոյեմբեր 1831
Ջոզեֆի ստացած հայտնությունները գրի էին առնվել, սակայն Եկեղեցու անդամների մեծ մասը չունեին դրանց օրինակները: Համաժողովի ժամանակ Սրբերը որոշեցին հրատարակել հայտնությունները գրքի տեսքով: Գիրքը պետք է կոչվեր Պատվիրանների Գիրք: Հետագայում այն կոչվեց Վարդապետություն և Ուխտեր:
Հիսուսը Ջոզեֆ Սմիթին տվեց գրքի համար երկու հայտնություն ևս: Մեկը որպես նախաբան, մյուսը‘ վերջաբան: Այդ հայտնությունները մեզ օգնում են հասկանալ գրքի և վերականգնված ավետարանի կարևորությունը:
Վարդապետություն և Ուխտեր 67 և 133, բաժնի խորագրեր
Վարդապետություն և Ուխտերը բոլորին ասում է, որ Հիսուս Քրիստոսի ճշմարիտ Եկեղեցին կրկին երկրի վրա է:
Վարդապետություն և Ուխտերը պատմում է քահանայության մասին: Այն նաև ասում է, թե ինչպես տղամւպւդիկ պետք է օգտագործեն այդ զորությունը:
Վարդապետություն և Ուխտերը պատմում են Մորմոնի Գրքի մասին: Կարդալով Մորմոնի Գիրքը կարելի է սովորել Հիսուս Քրիստոսի ավետարանի մասին:
Վարդապետություն և Ուխտերը սովորեցնում է Սրբերին կիսվել: Նրանք, ովքեր կիսվում են ուրիշների հետ, կլցվեն Սուրբ Հոգով:
Վարդապետություն և Ուխտերը սովորեցնում են Աստծո պատվիրանները: Սրբերը, որոնք հնազանդվում են այդ պատվիրաններին, կարող են հավերժ ապրել Երկնային Հոր և Հիսուսի հետ:
Հիսուսն ասել է, որ Եկեղեցու բոլոր անդամները պետք է կարդան Վարդապետություն և Ուխտերը:
Համաժողովից հետո Օլիվեր Քաուդերին տարավ հայտնության օրինակները Միսսուրի: Նա դրանք տվեց Վիլիամ Ֆելփսին, որը Եկեղեցու անդամ էր և տպագրատուն ուներ: Օլիվերը Եղբայր Ֆելփսին խնդրեց տպագրել 3,000 օրինակ: Սակայն տպագրությունը դեռ չէր ավարտվել, երբ չար մարդիկ կանգնեցրին տպագրությունը և ոչնչացրեցին էջերի մեծ մասը:
Վարդապետություն և Ուխտերն ի վերջո տպագրվեցին 1835 թվին: Սրբերը շնորհակալություն հայտնեցին Երկնային Հորը Վարդապետություն և Ուխտերի հայտնությունների համար: