“Գլուխ 15: Միսիա Լամանացիներին: Սեպտեմբեր 1830,” Վարդապետություն և Ուխտեր - Պատմություններ (2002), 58–60
“Գլուխ 15,” Վարդապետություն և Ուխտեր - Պատմություններ, 58–60
Գլուխ 15
Միսիա Լամանացիներին
Սեպտեմբեր 1830
Հիսուսը ցանկանում էր, որ Լամանացիները կարդային Մորմոնի Գիրքը: Նա շատ մարգարեների խոստացել էր, որ Լամանացիները կունենային Մորմոնի Գիրքը: Այժմ խոստումը պահելու ժամանակն էր:
Մորմոնի Գիրքը Լամանացիներին պատմում է իրենց նախնիների մասին, որոնք ապրել էին հարյուրավոր տարիներ առաջ: Այն նրանց պատմում է կարևոր խոստումների մասին, որոնք նրանց տվել է Հիսուսը: Այն նրանց օգնում է հավատալ Հիսուսին: Այն նրանց սովորեցնում է ապաշխարել և մկրտվել:
Այլ մարդիկ նույնպես ցանկացան գնալ Օլիվեր Քաուդերիի հետ Լամանացիներին ավետարանը քարոզելու: Տերն ասաց, որ երեք տղամարդ կարող է գնալ:
Սկզբում միսիոներները գնացին Նյու Յորքում գտնվող մի քանի ցեղերի մոտ: Միսիոներները մարդկանց տվեցին Մորմոնի Գիրքը, բայց նրանցից միայն մի քանիսն էին կարողանում կարդալ:
Հետո միսիոներները գնացին քարոզելու ավետարանը մի քանի Լամանացիների Օհայոյում: Այդ մարդիկ ուրախ էին լսելու Մորմոնի Գրքի մասին և սովորելու իրենց նախնիների մասին:
Միսիոներները հեռացան Օհայոյից և գնացին Ինդիփենդենս անունով մի քաղաք Ջեքսոն Քաունթիում, Միսսուրի:
Միսսուրիյում շատ Լամանացիներ կային: Միսիոներները նրանց քարոզեցին ավետարանը և տվեցին Մորմոնի Գիրքը: Նրանք շատ երջանիկ էին և շնորհակալություն հայտնեցին միսիոներներին գրքի համար:
Միսսուրիում կային մարդիկ, որոնք չհավատացին վերականգնված ավետարանին կամ Մորմոնի Գրքին: Նրանք միսիոներներին ասացին, որ հեռու մնային հնդկացիներից:
Այդ մարդիկ ասացին, որ եթե միսիոներները չհեռանան, ապա զինվորները կհետապնդեն նրանց: Միսիոներները տխրեցին և գնացին ուսուցանելու այլ մարդկանց Միսսուրիում:
Միսիոներներից մեկի անունը Փարլի Փ. Փրատ էր: Նա գնաց Օհայո, պատմելու Ջոզեֆ Սմիթին իրենց գործերի մասին: Փարլին ասաց, որ իրենց միսիան բարեհաջող էր, և իրենք շատ մարդկանց ուսուցանեցին ավետարանը: