“Ներածություն: Վարդապետություն և Ուխտերից առաջ,” Վարդապետություն և Ուխտեր - Պատմություններ (2002), 1–5
“Ներածություն,” Վարդապետություն և Ուխտեր - Պատմություններ, 1–5
Ներածություն
Վարդապետություն և Ուխտերից առաջ
Հիսուսը մեզ հետ ապրում էր երկնքում: Նա ցանկանում էր հետևել Երկնային Հոր ծրագրին: Հիսուսն ասաց, որ կգար երկիր և կաներ հնարավորին ամեն ինչ, որ մենք վերադառնայինք երկինք:
Սատանան նույնպես մեզ հետ ապրում էր երկնքում: Նա չէր ցանկանում հետևել Երկնային Հոր ծրագրին և Երկնային Հայրը ստիպեց, որ նա հեռանար: Սատանան ցանկանում էր տապալել փրկության ծրագիրը:
Հիսուսը ստեղծեց երկրագունդը, որի վրա պետք է ապրեին Երկնային Հոր զավակները: Հիսուսը ուղարկեց մարգարեներ, որոնք պետք է սովորեցնեին մարդկանց լինել բարի:
Մարդկանց մի մասը հետևեց մարգարեներին: Մյուսները հետևեցին Սատանային և դարձան ամբարիշտ:
Հին Կտակարանը պատմում է մարդկանց մասին, որոնք ապրել են Հիսուսի ծննդից առաջ: Մարգարեները այդ մարդկանց ուսուցանում էին, որ Հիսուսը պետք է գար երկիր և հնարավոր դարձներ նրանց համար մաքրվել մեղքից և հաղթահարել մահը:
Մորմոնի Գիրքը պատմում է այլ մարդկանց մասին, որոնք ապրում էին շատ ժամանակ առաջ: Այդ մարդիկ Երուսաղեմից գնացին Ամերիկաներ: Մարգարեները այդ մարդկանց նույնպես ուսուցանել էին Հիսուսի մասին: Նա այցելեց նրանց հարություն առնելուց հետո:
Նոր Կտակարանը պատմում է երկրի վրա Հիսուսի կյանքի մասին: Այն պատմում է Նրա ծննդի, Նրա ուսմունքների, Նրա մահվան և հարության մասին: Հիսուսը մարդկանց ուսուցանում էր Իր ավետարանը: Նա Նրանց սովորեցնում էր հնազանդվել Երկնային Հոր պատվիրաններին:
Հիսուսն ընտրեց տասներկու տղամարդկանց, որոնք պետք է լինեին Առաքյալներ, և նրանց քահանայություն տվեց: Նա Իր Եկեղեցու սկիզբը դրեց: Շատ մարդիկ սիրեցին Հիսուսին: Նրանք արդար էին և հետևում էին Նրա ուսմունքներին:
Սատանան չէր ուզում, որ մարդիկ հետևեին Հիսուսին: Նա գայթակղում էր մարդկանց ատել Հիսուսին, և ոմանք Նրան խաչին գամեցին և սպանեցին:
Իր մահից երեք օր հետո Հիսուսը հարություն առավ: Նա նորից կենդանի էր: Նա խոսեց Իր Առաքյալների հետ և պատվիրեց նրանց ուսուցանել ավետարանը բոլոր մարդկանց: Հիսուսը նաև այցելեց արդար մարդկանց Ամերիկաներում: Ապա Նա բարձրացավ երկինք‘ Իր Հոր մոտ:
Առաքյալները Հիսուս Քրիստոսի Վերջին Օրերի Սրբերի Եկեղեցու ղեկավարներն էին: Նրանք գնում էին տարբեր երկրներ և մարդկանց ուսուցանում էին Հիսուսի մասին: Շատ մարդիկ հավատացին Նրան և մկրտվեցին: Առաքյալները արդար տղամարդկանց քահանայություն տվեցին: Եկեղեցում շատ անդամներ կային:
Սատանան ցանկանում էր կործանել Եկեղեցին: Նա գայթակղում էր մարդկանց, որ նրանք այլևս չհավատային Հիսուսին: Առաքյալները և Եկեղեցու շատ այլ անդամներ սպանվեցին: Շուտով Եկեղեցին առաջնորդելու համար այլևս ղեկավարներ չկային: Երկնային Հայրը երկրից վերցրեց քահանայության բանալիները:
Եկեղեցին, որի սկիզբը դրեց Հիսուսը, վերացավ: Մարդիկ սկսեցին հիմնել իրենց սեփական եկեղեցիները: Նրանք փոփոխեցին Հիսուսի շատ ուսմունքներ: Նրանք փոխեցին նաև որոշ պատվիրաններ:
Անցան հարյուրավոր տարիներ: Երկրի վրա շատ եկեղեցիներ կային, բայց նրանցից ոչ մեկը Հիսուս Քրիստոսի ճշմարիտ եկեղեցին չէր: Այդ եկեղեցիների անդամները հավատում էին Հիսուսին, սակայն այդ եկեղեցիները ճշմարիտ ավետարան չունեին: Նրանք չունեին քահանայության իշխանություն: Նրանք չունեին մարգարեներ և առաքյալներ:
Հիսուսն ասել էր, որ կրկին կգա երկիր: Բայց սկզբում պետք է վերականգնվեր Նրա Եկեղեցին: Պետք է վերականգնվեր նաև քահանայությունը: Այս օրհնությունները վերականգնվեցին Մարգարե Ջոզեֆ Սմիթի միջոցով:
Երկնային Հայրը կրկին կանչեց մարգարեներ և առաքյալներ, ոլտնք մեր օրելտւմ պետք է ղեկավարեին Եկեղեցին: Հիսուսը հայտնություններ տվեց մարգարեներին և առաքյալներին, որոնք մեզ պետք է հայտնեն այն, ինչ Նա ցանկանում է, որ մենք իմանանք և անենք:
Վարդապետություն և Ուխտերը Հիսուսից ստացած հայտնությունների գիրք է: Դրանցից շատերը տրվել են Մարգարե Ջոզեֆ Սմիթին: Այդ հայտնություններով Հիսուսը ուղղություն է տալիս Իր Եկեղեցուն և ուսուցանում է Իր ավետարանի վարդապետությունները:
Գիրքը, որը դուք ընթերցում եք, պատմում է Վարդապետություն և Ուխտերի որոշ հայտնությունների մասին: Այն նաև պատմում է վերջին օրերում Հիսուս Քրիստոսի Եկեղեցու վերականգնման և վաղ պատմության մասին: