June 1989–November 1990

Ba “Garbeb” u Ghana

Par ni yib yul’ul’ ko ngiyal’ ni dabiyag ni nge gak fapi Gidii’en Got nga ta’abang.

Alice Johnson e ir reb e tamachib nibe pigpig ulan e naam rok’ u, Ghana. Ri ba’adag nima weliy mornga’agen e mich rok’ ngak Yesus Kristus nge pi’ ayuw ko mon’og nag e Galasia.

Gidii’en Got, 4:416–17

Borran riy, me thapeg Alice a mulwol ni dani fel’. Ke yoeg e aam u Ghana ni dabkun tay e mo’olung ko Galasia. Fap tamachib e dab kiyag ni ngar machib gaed.

Gidii’en Got, 4:417

Fapi police nikar chuweged fapi tamachib ko nu’un roraed mi yaed fek e rat roraed. Boech fapi gidii’en e Galasia e ni tay nga kalbus. Fapi salthaw nikar lock niged fare nu’un ko Galasia ma dariy be’ nrayag ni ngan pag nge yean ngalan. Gidii’ e ma yoeg fithingan e biney ni “fare Garbeb.”

Gidii’en Got, 4:417–18

Ma fapi tamachib e btu’uf ni ngar suled nga tabinaew. Alice e chuw ngani par ngak reb e fagar ulan reb e binaew. Be m’agfaen’ ngay ni dabiyag ni nge mu’nag fare mission rok’.

Gidii’en Got, 4:418

Fapi Gidii’ rok’ Got u Ghana e ke balyangaen’raed, make kirbaen’ raed, make yib e murus ngoraed. Yaed be tafney nag ko mang e kar rrin’ed nib kireb. Krayag ni ngar ranod biyay nga galasia?

Gidii’en Got, 4:418

Aram rogon ni dab kiyag ni ngar gak gaed nga ta’abang, machane fapi Gidii’en Got e ri kab tu’uf Somoel roraed ma ki yaed ba’adag ni ngar tayedfan. Kar ted fapi mo’olung ko sakrament ulan e tabinaew roraed. Gidii’en e tabinaew ni bay fare tawa’ath ko priesthood rok’ e ma yibliy fare flowa nge raen nge mu’ min pi’ ko gathon fare tabinaew.

Doctrine and Covenants 6:32; Gidii’en Got, 4:419

Reb e pul nga tomuren reb e pul, ni kube ul’ul’ fare Garbeb. Fapi Gidii’en Got era yon’ed e tang mi yaed machib nag fare gospel ulan e tabinaew roraed ngoraed. Yaed ma nang salpen raed ma ki yaed ma ayuwegraed ko mich roraed ni nge par nib gel. Yaed ma ayuweg e salpiy roraed ko tithing ni nge taw ko ngiyal’ ni rayag ni ngar ranod nga galasia mi yaed pi’ pilwon. Yaed ma meybil nge balaynag e abich roraed ni ngeyag ni ngan taleg fareg garbeb.

Gidii’en Got, 4:436–37

Fin aram, tomuren 18 e pul nike thumur, fani duugliy fare aam ni rayag ni nge sul e Galasia ko mo’olung biyay. Reb e mission president nib be’ech e fith ni nge non ngak Alice, ni chiney e bay u college. Me fith, “Ga ba’adag ni ngam sul ngam pigpig ko mission u tomurren nikam mu’ ko skuul?” Me yoeg “Danga’”. Gu ba’adag ni nggu pigpig e chiney!”

Gidii’en Got, 4:437–39

Alice nge Gidii’en Got e kari falfalaen’raed ni rayag ni ngar ranod biyay nga galasia. Bin somm’on e Madnom u tomurren nikan tay fare garbeb, pag l’agruw e awa ko fare mo’olung ko sakrament ni bachan e bo’or e gidii’ ni ba’adag ni nge weliy e mich rok’. Kar weliyed ngoraed rogon nike ayuweg raed Somoel ke par e mich roraed nib gel.

Doctrine and Covenants 20:75; Gidii’en Got, 4:438