Mornga’agen fare Doctrine nge Covenants

“Mornga’agen fare Doctrine and Covenants,” Yaat ko Doctrine and Covenants Stories (2024)

“Mornga’agen fare Doctrine and Covenants,” Yat ko Doctrine and Covenants

Tabolngin I Morngaʼagen

Mornga’agen fare Doctrine a nd Covenants

Me non biyay Somoel

Yesus Kristus ni m’ug ngak e girdii’ ni kakrom u Mariken.

Gadaed ba t’uf rok’ e Chitamangdad nibay u Tharmiy. Ba’adag ningad ted fan e motochiyel, mid michiged Ngak, nge yog ninge tawa’ath nagdad. Ke pi’ Fak ni pagal, ni Yesus Kristus, ninge mang e Tathapeg rodad me ayuwegdad ngad suled Ngak.

Yol u pa’ e profet ni kakrom ulane babiyor.

Got e ke pi’ e profet nga lane yafos rodad ninge fil mornga’agen Yesus Kristus nge motochiyel Rok’. Profet e ma murwel nifan ngak Yesus Kristus ningar pow’iyed e Galasia Rok.

Yesus e ma yoeg ko profet ko mang e ngan fil ngodad. Thin ko profet ni kakrom e kan yoloey ngalan fapi chep nib thothup ni woed e Bible nge fare Babiyor ku Mormon.

Joseph Smith nibe laminag ko binngan e tiliw e nge laek.

Bo’or e duw napan ni daniki mo’ Yesus u fayleng, ni par ni dariy e profet. Girdii’ e da’ur ch’ariyed fapi motochiyel nge m’ag nikar ngongliyed ngak Got. Fare Galasia ku Yesus Kristus e da’ani moey u fayleng.

Chitamangiy nu Tharmiy nge Yesus Kristus e rum’ug gow ngak Joseph Smith.

Me pining Got Joseph Smith ninge mang reb e profet. Joseph e ba fal’yangren, machane bay e murwel ni rib ga’fan rok Got ninge rin’.

Girdii’ e kar tiniyed pa’rad ngalang ningar sustain niged Joseph nge Oliver ningar pow’iyew fare Galasia.

Joseph Smith e i machib nag mornga’agen Yesus. I ayuweg nge yarmiy rogon e Galasia ku Yesus. Yesus e i machib nag ngak Joseph Smith mornga’agen e gospel Rok’ nge rogon ninge pow’iy e Galasia Rok.

Ba tabinaw nibe bi’eg fare Doctrine and Covenants.

Gubin ban’en ni yoeg Yesus ngak Joseph Smith e kan yoloey ngalang fare Doctrine and Covenants. Fare Doctrine and Covenant e ba chep nib thothup ni woed fare Bible nge Babiyor ku Mormon.

Ya’an b’ulung i girdii’ nike yib angin fare babiyor ko Doctrine and Covenant ngorad.

Yaat ko Doctrine and Covenants nibe weliy rogon ni fulweg Yesus, fa yarmiy, e Galasia Rok’, nge ayuw ni pi’ e girdii’ nge fare profet Joseph Smith. Girdii’en e Galasia e kan pining Girdii’en Got ngorad. Pi yaat ney e ke dag ni Got e rib tu’uf Pifak ni gubin yang u fayleng rok’. Kea micheg nag ni ra’i yibley dad nf’an gadra tedfan e m’ag nikad ted Ngak.