Telii ni Pigpig ngak Somoel

Galasia ni Yibe Toey u Tubuai

Telii nge boech e gidii’ ni yaed be yaliy fapi tamachib ko Gidii’en Got ko Tin Tomur e Rran ni yaed be yibi yib.

Be’ nib bpin ni fithingan i Telli nibe par u reb e donguuch ni kanog u Tubuai ngay. Boech e tamachib ko galasia nib thilthil e yaed ma yib nga Tubuai, machane danur ma pired nib n’uw napan. Robo rran ngay ko 1844, kari falfalaen’ Telii napan ni rung’ag nike yib e tamachib ko Fare Galasia ku Yesus Kristus ni fan ko Gidii’en Got ko Tin Tomur e Rran nga Tubuai.

Doctrine and Covenants 1:1; 133:8

Telii nge Nabota era piningew fapi tamachib ni nge par rorow.

Fapi tamachib e btu’uf ni ngar ranod ko boech e donguuch nib ga’. Machane fapi gidii’ nu Tubuai e ri yaed ba’adag ni nge par fapi tamachib nge fil e gospel ngoraed. Telii nge figirngin, Nabota, e rogew ni rayag ni nge par fapi tamachib ulan e tabinew rorow. Reb fapi tamachib, ni kanog i Addison Pratt ngak, e yoeg ni rayag.

Gidii’en Got, 1:573–74

Telii nge Nabota ni yaed be abich reb fapi tamachib.

Telii nge Nabota era fo’od nigew gubin ban’en nibay rorow ngak Addison. Ra filew ngak rogon ni nge non ko rogon e thin rorow. Addison e machib nag ngorow mornga’agen Yesus Kristus.

Telii nin tawfe nag nibay Nabota nibe yalay ya’an.

Fare Kan ni Thothup e yoeg ngak Telii nge Nabota ni fare gospel rok’ fare Tathapeg e ba riyul’. Yow e th’abi somm’on u Tubuai nin tawfe nagrow.

Gidii’en Got, 1:573–74

Telii nge boech e gidii’ ni yaed be weliy mornga’agen fare gospel ngak e gidii’ u Tubuai.

Telii, Nabota, nge Addison era manged bugi tafagar ni ri fel’ e puruy’ roraed. Ur malekag gaed u ta’abang ni yaed be machib nag fare gospel u Tubuai nge ku boech e donguuch. Ma napan ni bayi yoeg e gidii’ u Tubuai ngak Gidii’en Got ni dabin un ko fare Galasia, me machib Telii ngoraed ko mornga’agen fapi chep nib thothup ni fare Galasia e bay nib riyul’.

Gidii’en Got, 2:27, 45

Telii, Nabota, nge boech Gidii’en Got ni yaed be yoen’ e tang u ta’abang.

Telii e ri ba’adag ni nge ayuweg e gidii’ u Tubuai ngar filed mornga’agen fare gospel ku Yesus Kristus. Fal’ag fapi chep nib thothup ni nge mang tang me pining e gidii’ ni bo’or nga ta’abang nga ur filed mornga’agen fapi chep nib thothup mi yaed be yoen’ e tang u ta’abang. Yoen’ e tang ku Telii e ayuweg fapi gidii’ ngar filed fapi machin ulan fapi chep nib thothup me pug oran ngoraed fapi n’en nikar filed mornga’agen.

Doctrine and Covenants 25:12

Tabinaew ku Telii ni pining e tabinaew ku Addison ngalan e tabinaew roraed.

Boch e duw nga tomuren, maki yib boech e tamachib nga Tubuai, nib mu’un gathon e tabinaew ku Addison ngay. Telii e piningraed ngalan e tabinaew rok’. Telii nge le’engin Addison era muruwel gow u ta’abang, ngar pigpig gow ngak e bpin nu Tubuai.

Gidii’en Got, 2:133–34

Telii nge tabinaew rok’ era ul’ul’ gaed i machib nag e gospel ngak e gidii’.

Tomuren boch ngay, min towasoriy fapi tamachib ni ngar chuw gaed u Tubuai nge boech e donguuch ni yaed bay riy. Machane Telii e ul’ul’ ko machib nge gagiyegnag fapi Gidii’en Got. Bachan kanawo’en e pigpig nike dag Telii, fare Galasia u Tubuai e par ni rib gel.

Gidii’en Got, 2:150–51