“Parley be Fith nifan e N’agfan Rok’,” Fapi Yaat ko Doctrine and Covenants (2024)
“Parley be Fith nifan e N’agfan Rok’,” Fapi Yaat ko Doctrine and Covenants
January–July 1837
Parley ni Fith ningan N’agfan Rok’
Mich rok’ e fagar be gel nag e mich rok’
Bay e ngiyal’ ney nifan e gargealeeg ko bitir rorow Thankful nge Parley Pratt, kar sulgow ko mission rorow u Kanada. Kar gargealeeg e bitir nib mo’on ni bay e dowef nib fel’ woed ni ke micheg e Somoel.
Saints, 1:270
Machane, ke yim’ Thankful u bochi pi awa tomur ni ke gargealeeg e bitir. Parley manang ni dabiyog ni nge chugul e bitir ni dariy ir. Ni ke fith ngak e bpin u Kirtland ni nge chugul e bitir rok’ napan ni ke sul nga Kanada nge mu’ e mission rok’.
Saints, 1:270
U Kirtland, Joseph Smith nike tabab e bank ere rayog ni nge thapeg bochi salpiy nifan e muruwel’ rok Got. Nike fith ngak e gidii’ me pii’ed a matawon ngak e bank ni nge use nag e salpiy rorad ere reb e gidii’ ra maen e salpiy rorad. Machane, ko bochi pi fan, dariy bo’or e salpiy nge thingari ning. Reb e pi bank ulan fare United States thingari ning.
Saints, 1:260–61, 264–68
Yafos nika mang nib mo’omaw nifa e pi Saints. Boch ni kar malog e muruwel’ roroad ere chiney dakiry’ e salpiy nifan e gaan nge maad. Bochi ni kar damomuw ngak Joseph, nge pi fagar rok’. Kar lemniged Joseph ir e profet ni de riyul’ bachane ke ning e bank ney.
Saints, 1:264–68, 272–275
Napan binem ni ke buch, Parley ni ke sul nga na’un rok’ nifan ko mission rok’. Magawon nifan e bank ke fal’eg e yafos nib mo’omaw nifan Parley. Dariy’ e salpiy rok ere rayog ni nge chuwey e na’un rok’, nge dariy’ e tafan rok’ ni nge paer.
Saints, 1:270–71
Parley be puwaen’ ngak Joseph. Nike yoloey bangi babyor ngak Joseph. Nike yoeg ngak Joseph bay e mich ngak fare ke Babyor ku Mormon. Machane ni ke yoeg bochi tin de fel’ rogon ngak fare profet. Nike yoeg ngak Joseph ir gathi mangil napan ni ke tabab e bank.
Saints, 1:271
Tomur, bochi pi fagar rok’ ko Kanada kar ranoed u Kirtland. Parley ni ke machib nag ngorad fare gospel, nge kar ba’adag ni nge mada’ nag ngak bayay.
Saints, 1:279–80
Machane me gin owcharaed ngay ni Parley nge bo’or reb e gidii’ kar malog gad e mich rorad ni Joseph Smith ir e profet.
Saints, 1:279–80
Ta’areb e fagar rok’ ko Kanada ir John Taylor. Napan Parley nike guy ngak, nike weliy mangfan bay e damomuw rok’ ngak Joseph Smith. Ke yoeg ngak ni dabi leak Joseph.
Saints, 1:280
Ke pug uran nag Parley napan nike paer u Kanada, nike pii’ e mich rok ni Joseph Smith ir e profet nib riyul’. “Ere chiney gub thapeg ta’areb e mich,” nike yoeg John. “Fa’anra e muruwel ir riyul’ nel’ e pul kafram, be riyul’ daba’. Fa’an Joseph Smith ir e profet kafram, ir e profet chiney.
Saints, 1:280
Parley manang e fagar rok’ ir riyul’. Ke fek e kirbaen’ marunga’agen e bangi babyor nike pii’ ngak Joseph. Ke nang Joseph me guy rogon e rayog rok’ ni ngey rrin’ e muruwel rok’ Somoel. Pi magawon nifan e bank ni dabi weliy ni Joseph ir gathi e profet nib riyul’ rok’ Yesus Kristus.
Saints, 1:283
Parley nike yaen nga na’un rok’ Joseph. Nike yoeg ngak Joseph soro’ nifan e tin nib kireb nike yoeg. Joseph ke n’agfan Parley, nike meybil nifan ngak’, nge yibily nag ngak. Parley nike pigpig nifan bo’or e pi mission nge weliy ngak e gidii’ ulangab e feyleng ni Joseph Smith ir e profet rok’ Somoel.
Doctrine and Covenants 64:7–11; Saints, 1:283