September 1830

Hiram Page nge Thogthog

Fapi gidii’en Got era filed rogon nima powi’iy Got e Galasia Rok’

Hiram Page e reb e fagar rok’ Joseph Smith nge Oliver Cowdery. I’ir reb fapi meruk i gidii’ ni michegnag mornga’agen fapi plates ni gold. Hiram e i moey ba malang rok’, ni michuwaen’ ngay ni Got e be fanay nibe pii’ ngak fapi mulwol, fa fapi thoghtog, nifan e Galasia. Oliver nge gidii’en Got e michuwaen’raed ni fapi thogthog nikan pii’ ngak Hiram e be yib rok’ Got.

Doctrine and Covenants 28, mornga’agen e biney e guruy; Saints, 1:97

Fapi thogthog rok’ Hiram e woed lingan fapi chep nib thothup. Machane ba thil ko pin’en nima machib nag e Bible. Ma kab thil ko fapi n’en nike yoeg Somoel ngak fare Profet Joseph. Joseph e dani nang ko mang e nge rrin’.

Saints, 1:97

Baga’ ni gubin e nep nibe par Joseph ni dar mol nibe fith ngak Got ni ngan pii’ e ayuw ngak. Be magaraen’ ngay ni nge rrin’ ban’en nib kireb nira kireb nag thilrow e fagar rok’.

Saints, 1:97

Joseph e ba’adag nira be’ me gay e thogthog nifan ko yafos rok’. Machane ra gel e oloboech riy ni fa’anra gubin e gidii’ ma be thapeg e thogthog nifan fare Galasia ni ga’angin.

Saints, 1:97

Me buch, ni Somoel e pii’ ngak Joseph ba thogthog ni nge weliy ngak Oliver. Somoel e yoeg ni kemus ni profet e rayag ni nge thapeg e thogthog nge fapi motochiyel nifan e Galasia ni ga’angin. Me yoeg ni Oliver e susun ni nge fil e biney ngak Hiram.

Doctrine and Covenants 28:2, 6–13

Somoel e ba’adag ni nge nang Hiram ni rayag ni nge thapeg e thogthog nifan e yafos rok’. Machane thogthog nifan e Galasia era yib ngak e profet rok’ Somoel. Hiram e motoyil ngak Oliver me kalngaen’. Fapi gidii’en e Galasia e kar nanged rogon e chiney nima gagiyegnag Somoel e Galasia Rok’.

Saints, 1:98