Tin Kireb ni be Buch u Missouri

Me gaa’ nag e mich ulan e ngiyal’ nib nib yoyowol

Pi gidii’ u Independence be manged nib damomuw nifan e pi Saint ni kar yib.

Bo’or e pi Saint ni kar yib ni ngar fasgad u Independence, Missouri. Fare Somoel ni ba’adag yad nira toyed e binaw ni Zion uram. Machane dabda pared uta’abang nib fel’ rogon e pi Saint nge gali gidii’ ni kar pared u Independence umon raed. Kar chamgad marunga’agen bo’or e pi’nen. Boch e gidii’ ulan e binaw nem kar manged ni damomuw nge yad ba’adag ni ra chuwgad e fapi Saint.

Doctrine and Covenants 57:1–3; Saints, 1:171–74

Fapi tiyugang u Independence kar mu’ulung gad ngak Edward Partridge.

Edward Partridge ke mang e bisof u Independence. Ke yib ko mu’ulung ni bay fapi tiyugang’ ko binaw. Kar yoeged e fapi Saint thingarda chuwgad ko Independence. Bishop Partridge ke nang Got ni ba’adag e pi Saint nira toyed Zion ulan Independence. Ke yoeg e fapi Saint dabiyog ni ngar chuwgad.

Saints, 1:176

Fapi pumo’on nib damomuw kar gathay nag e pi na’un.

Fapi pumo’on nib damomuw be tabab ni ngar gathay nag e pi na’un ni kar toyed e pi Saint.

Saints, 1:177–78, 182

Fapi mo’on ni kar fek Edward Partridge nge Charles Allen.

Fapi mo’on ni kar fek Bishop Partridge nge reb e pumo’on ni fithingan Charles Allen ko na’un rorow. Kar miliy gali mo’on ney nga lukngun e binaw.

Saints, 1:179

Edward nge Charles kar fekew e tar nge pi wul ngadakanew.

Ke yoeg bishop Partridge, “Fa’an thinguw fek e magawon nifan e galasia rog, ir gathi e pi’nen nib thil ko pi’in umon nigeg.” Fapi mo’on ni kar pii’pii’ Bishop Partridge nge Charles nga but’. Kar tayed e tar nib guwael nge pi wul udakaen e dowdo.

Saints, 1:179–80

William McLellin, e chongin ko Galasia u Independence, nike motoyil e pi’nen nib kireb yad be rrin’ed. Nike rus nge miith ulan e paan.

Saints, 1:182

William be lemnag mang ir ra rrin’ fa’an e cha’ nira sap ngak.

William ke lemnag mang gara buch fa’an e pi mo’on nira sap ngak. Ma rayog ni nge yoeg ir manang fare Babyor ku Mormon ir riyul’, ni mus ni fa’anra yad ra fek e pogofan rok’ nifan binem?

Saints, 1:182–83

Oliver Cowdery nge David Whitmer kar sapgow ngak William.

Fapi Fagar rok’ William ni Oliver Cowdery nge David Whitmer kar sapgow ngak ulan e paan. William manang ni bay e mich rorow Oliver nge David nifan fare ke Babyor ku Mormon. Ba angel nike dag ngorow fapi plate nib gol. “Mu non ngog,” William nike fith ngorow, “binir e Babyor ku Mormon e ba riyul’?”

Saints, 1:183

Oliver nge David be pii’ e mich rorow ngak William.

Oliver nge David kar yoeg ngak Willilam ni fare Babyor ku Mormon e ba riyul’. Kar weliyew fa’anra fapi mo’on nib damomuw ni ra guyed rogon nge fek e pogofan rorow, dabda taleg ni ngar pii’ e mich rorow ngak e gidii’. “Gubay mich u wun’ug ngomew,” William nike yoeg.

Doctrine and Covenants 17:3–6; Saints, 1:183