November 1830–July 1831

Mary nge Caroline Rollins

Bay e adag nib gel nifan fapi scripture

Be 12 e duw rok’ Mary Rollins napan fapi missionary ni kar yib nga Kirtland, Ohio bin somm’on e yay. Nike rungan’ e non rorow mornga’agen fare Babyor ku Mormon. Ngiyal’ nem, ni kemus ta’areb copi ko babyor ulan Kirtland, nge tiyugang ko Galasia fithingan Issac Morley ke thapeg.

Mary nike yaen ngak e na’un rok’ Walagen Borley nge nike fith ngak’ ni nge guy fare babyor. Walagen Morley ke pii’ ngak ere rayog ni nge kol. Mary nike fith fa’an rayog ni nge fek binem nga na’un rok’.

Walagen Morley dabun ni nge pii’ Mary e copi ko babyor rok’. Dabiyog ni nge be’eg yo’or. Mary nike wenig nag ngak Walagen Morley e ke pii’ ngak’.

Walagen Morley ke yoeg rayog. Nike yoeg ngak Mary rayog ni nge fek e babyor nga na’un rok’ fa’an ni nge suluweg gabul. Ir be mang e tawa’ath rok’ Mary. Nike be’eg ufithik’ e neap.

Napan Mary nike suluweg fare babyor, Walagen Morley me gin laniyaen’ marunga’agen uw fini yo’or ni ke be’eg. “Bitir,” nike yoeg, “fek e babyor nga na’un rom nge mu’ nag e be’eg rom. Rayog ni nggu soen.”

Mary ke mang bin somm’on e bee’ ni nge be’eg gubin fare Babyor ku Mormon. Tomuren ke ma’, nike mada’nag fare Profet i Joseph Smith. Napan ni ke fil aram fini rib Mary ni ba’adag fare Babyor ku Mormon, ke yoeg rayog ni nge thapeg e copi ko babyor rok’ Walagen Morley. Ir ra pii’ reb e babyor ngak Walagen Morley.

Tomuren e duw ney, Mary nge tabinaw rok’ kar ranoed nga Independence, Missouri. Ir ba’adag ni nge sap e pi tiyugang ko Galasia ni be faleg reb e babyor nib bi’ech ni kanoeg fare Babyoren fapi Motochiyel. Biney e babyor ni bay bo’or pi yi’iy rok’ Yesus Kristus nike pii’ ngak Joseph Smith.

Doctrine and Covenants 67; 70:1–4; Saints, 1:178

Machane bochi gidiiʼ u Independence ni dani adag fare Galasia. Yad ba’adagdad e fapi Saint ni ra chuwgad. Ta’areb e rran, bochi pumo’on nib damomuw kar yaen ulan e tafen nifan e print nag ko fare Babyoren fapi Motochiyel. Kar muun fare printing press ufithik’ e winda nge kar garar fapi page ko fare Babyoren fapi Motochiyel nga dakaen e wo’.

Saints, 1:177–78

Mary nge walagen nib bpin, Caroline, kar sapgow u keeru’ e yaroor. Mary nike yoeg ngak Caroline ir ba’adag ni nge fek e babyor umon ni kar kireb nag. Ke rus Caroline ko fapi pumo’on nib damomuw. “Yad ra lii’ed gamow,“ nike yoeg. Machane Mary nge Caroline manang e fapi page ko babyor ni bay e thin rok Got.

Saints, 1:178

Pi walagen nib bpin ney kar soen gow madako’ e pumo’on ni dabda sap ngorow. Kar miil gow ulan e wo’en nge fek gow gubin e fapi page e rayog ni ngar kolew. Napan ni kar chuw gow, bochi pi pumo’on ni kar sapgow nge tolul ngorow ni ngar tal’egew. Mary nge Caroline kar kolew nib gel ngak fapi page nge miil nib papay ulan e milay ko corn.

Saints, 1:178–79

La’agruw e pumo’on kar l’oel’oeg gow e pi walagen nib bpin ulan e milay ko corn. Rib n’ew e corn ney, Mary nge Caroline dabiyog ni nge guyew e kanawo’en. Kar aw gow nga but’ nge miith nag fapi page utangin e dowdow. Kar motoyil’ gow napan e gali pumo’on ni kar ranow ufithik’ e corn me guyew rogon ni ngar pir’eg ngorow.

Saints, 1:179

Tomuren bochi ngiyal’ gali pumo’on ney kar chuw gow. Mary nge Caroline be ayal gow. Kar thapegew fapi page ney nifan e yi’iy rok’ Somoel ko fare Babyoren fapi Motochiyel. Daba’ e pi yi’iy ney ni bay ulan e book ni kanoeg fare Doctrine and Covenants.

Saints, 1:179