November 1833–February 1835

Fare Ulungi Gidii’ nu Isreal

Fil mornga’agen rogon i pagaen’uy ngak Somoel

Pi Gidii’en Got ney nima par u Independence, Missouri, e ke tu’uf e ayuw roraed. Kar athamgil gaed ni rib gel ni ngar toyed toffen e Zion ni woed rogon nike fith Got ngoraed. Machane boch e gidii’ ulan fare binaew e dabun ni nge par e pi gidii’ ney u rom. Ere chuweged fapi gidii’en Got u toffrad ngar chuwgaed.

Gidii’en Got, 1:195

Joseph Smith e ngiyal’ ney e ma par u Kirtland. Ke rung’ag e n’n nibe buch rok’ fapi Gidii’en Got u Missouri, ma kari kirbaen’. Ere meybil ni ngeyag ni nge nang e n’en nib tu’uf ni nge rrin’. Somoel e yoeg ngak Joseph ni nge gay e girdii’ ni nge un ngan nga Missouri. Yaed be athapeg ni fapi aam era ayuweg fapi Gidii’en Got ngan sulweg toffen raed ngoraed.

Doctrine and Covenants 103:1–2, 11–20, 30–34; Gidii’en Got, 1:195–96

Go napan e 100 e gidii’ ni yoeg ir ni nge pi’ e ayuw. Fare Profet e pining fithingan e biney e ulung ni fare Ulungi Gidii’ nu Isreal. Kar falfalaen’ gaed ni ngar pi’ed e ayuw ngak fapi Gidii’en Got u Missouri.

Gidii’en Got, 1:197–99

Brigham Young nge Heber Kimball ni fagar rok’ e yow bang ko biney e ulung. Reb e pagal nib fel’yangren ni kanog fithangan ngak e Wilford Woodruff e milekag u New York i yib ni ngabi pi’ e ayuw.

Gidii’en Got, 1:197–98

Ku boech e gidii’ ni yibi un ko fare ulung. Ra milekag gaed ulan reb e pul mi yad tha’eb e luul’ ngalan yu Missouri. Kar magaf gaed ni rib gel. Bachan e biney e milekag ni rib n’uw yang boech e gidii’ e chalban ngay. Ri kab n’uw yang e ggin nib tu’uf ni ngar ranod riy u mm’on i yaen ngalan fare binaew ko Independence.

Gidii’en Got, 1:200–201

Ma napan ni kiyad be ul’ul’ ko yaen u buut’, me piningraed be’ nib bpin. Me yoeg ni bay boech e mo’on ni yaed be yib i yib ni nge li’ raed.

Gidii’en Got, 1:203

Re Ulungi Gidii’ ney nu Isreal era talgaed u dakean buchi burey ni ngeyag ni ngar tofan gaed. Napan ni yaed be fal’aeg rogon tagil’ raed, me yib laal i mo’on ngoraed u dakean e os. Mar roged ni kubay 300 e mo’on ni ku bayi yib ni ngabi gafgow nag raed ko gin ni yaed bay riy. Fapi gidii’ ko fare Ulungi Gidii’ nu Isreal era magafaen’ gaed. Me yoeg Joseph ngoraed ni nge michaen’ raed ngak Got nrayog ni nge ayuwegraed.

Gidii’en Got, 1:203

De n’uw napan ngay me kireb lanelang nge sug ko maguleng. Me aw e n’uw ni rib ga’. Me sug e luul’ ko raen. Me thikiy e nifeng e gak’iy. Nge ulluch nibe mat rama’en ulan e tharmiy. Joseph nge boech e gidii’ era pir’egned bang ulan ba galasia ni ngar pired ngay. Roen’ed e tanng ko hymn ko re nep nam. “Got e bay ulan e rangi yikoq ney!” Ni yoeg Joseph.

Gidii’en Got, 1:203–4

Fare yikoq e taleg fapi gidii’ ni ba’adag ni nge cham ngoraed. Ma fare Ulungi Gidii’ era pired nib machubgil. Ma fare aam e yoeg ni dabi ayuweg fapi Gidii’en Got. Somoel e yoeg ngak Joseph ni fare Ulungi Gidii’ nu Isreal e rayag ni ngar ranod nga tabinaew. Fapi Gidii’en Got e rayag ni ngar fal’aged tofen yu Zion ko rogon ni yaed be ayuweg fapi motochiyel rok’ Got. Me micheg ngoraed nira “cham nifan fapi maal nu Zion.”

Doctrine and Covenants 105:1–19; Gidii’en Got, 1:204–5

Boech fapi gidii’ ulan fare ulung e dabun e biney ni kanoeg. Ke kirbaen’ raed ni bachane daniyag ni ngar cham gaed ngar ayuweged fare Zion. Boech fapi gidii’ ulan fare Ulungi Gidii’ nu Isreal e kar lemniged nib m’ayfan e biney e ulung. Ma boech i yaed, ni woed Brigham Young, Heber, nge Wilford, e fel’ ko tafney roraed ni kar uned ngak Joseph Smith nge boech ban’en nikar filed rok’.

Gidii’en Got, 1:205–6

Taboech ngay, me pining Somoel Joseph Smith ni nge pining Ragag nge L’agruw e Apostle ni nge pi’ e ayuw ko gagiyeg nag e Galasia rok’. Fapi Apostle e ngar micheged mornga’agen fithingan Yesus Kristus ngak e fayleng ni ga’angin. Meruk ko pi Ragag nge L’agruw ii Apostle ney era uned ngalan fare Ulungi Gidii’ nu Isreal. Pigpig roraed ngak Joseph e ayuwegraed nge fal’ag rograed ko biney e pigpig nikan piningraed ngay.

Doctrine and Covenants 18:26–27; 107:23; Gidii’en Got, 1:214–17