Joseph nge Hyrum nra Pi’ew e Yafos Rorow ni fan ko fare Gospel

“Jopseph nge Hyrum nra Pi’ew e Yafos Rorow ni fan ko fare Gospel,” Fapi Yaat ko Doctrine and Covenants (2024)

“Jopseph nge Hyrum nra Pi’ew e Yafos Rorow ni fan ko fare Gospel,” Fapi Yaat ko Doctrine and Covenants

March–June 1844

Jopseph nge Hyrum nra Pi’ew e Yafos Rorow ni fan ko fare Gospel

Fare Profet e yibi yim’, machane fare muruwel rok’ Somoel e ul’ul’

Joseph Smith e pi’ fapi kiy ko priesthood ngak fapi Apostles ko Galasia.

Joseph Smith e be m’agfaen’. Mang era buch ko Galasia ni fa’anra yim’? Ba’adag ni nge mich nag ni fare muruwel rok’ Somoel era ul’ul’ i yean. Ere mukun nag fapi Apostles nge ta’abang me pi’ ngoraed fapi kiy ko priesthood nike pi’ Yesus Kristus ngak. Biney e be yipfan ni fapi Apostles e rayag ni ngar powi’iyed fare Galasia rok’ Somoel nge fare muruwel Rok’. Biney e ayuweg Joseph nge munguy nag e m’agfaen’ rok’.

Gidii’en Got, 1:519–20

Ya’an bang u Nauvoo nibe dag ya’an bugi gidii’ nib damumuw ngak Joseph.

Bo’or e gidii’ nib damumow ngak Joseph. Bay boech e gidii’ ni ba’adag ni ngar liiʼed nge yimʼ. Dabun raed e pi n’en nibe machib nag. Kar yoeliyed mornga’agen ngalan e newspapaer ni nge karang e damumuw ngak e gidii’ ngak Joseph nge Galasia. Boech i yaed e ba’adag ni nga cham nga Nauvoo.

Gidii’en Got, 1:526–28, 530–32, 533–34

Joseph nge boech fapi tiyugang’ u Nauvoo nra gathayed fapi babyor nikan print nag ni mornga’agen raed ni ngeyag ni talag e gidii’ ko damumuw ngoraed. Biney e gelnag e damumow ngak e gidii’. Aam e yoeg ngak Joseph ni nge yaen nga Carthage ni bay e tapufthin riy ni nge duugliy ko ke kireb nag e motochiyel fa danga’. Manang Joseph ni fa’anra yaen nga Carthage, ma bay e gidii’ nra lii’ nge yim’.

Doctrine and Covenants 135:4; Gidii’en Got, 1:533–37, 539–41

Joseph nibe fingichiy e tabinaew rok’ u mm’on ni nge yean nga Carthage.

Joseph e kaba’adag ni nge par Gidii’en Got nib machubgil. Ke tafney nag ni sana fa’anra yaen nga Carthage, ma sana gidii’ e bayi pag fapi Gidii’en Got u Nauvoo. Joseph e ke duugliy ni nge yaen. Ke yibliy Emma nge pifak, me faray owchraed me fingichiyraed, me chuw nge yaen nga Carthage.

Gidii’en Got, 1:542–44

Walagen Joseph ni kanoeg i Hyrum ngak e un ko yaen. Nib mu’un John Taylor ngay, Willard Richards, nge ku boech e tafagar. Napan nra chuw gaed, me talag Joseph e os rok’ me sap nga tomur nga Nauvoo. Me ga’ar, “Ri irreray e gin nth’abi fel’ nib sug e gidii’ riy nrib fel’ nibay u tanggin e tharmiy.”

Gidii’en Got, 1:543–45

Ya’an fare kalbus u Carthage: Hyrum nibe be’eg fare Babyor ku Mormon nge Joseph nibe machib ngak fapi gidii’ nibe matanggiy e kalbus.

Napan nrab taw gaed nga Carthage, min tay raed ngalan e kalbus. Napan ni yaed bay u kalbus, me be’eg Hyrum fare Babyor ku Mormon ngoraed. Joseph e yoeg ngak fapi gidii’ nibe matanggiy e kalbus ni fare Babyor ku Mormon e ba riyul’.

Gidii’en Got, 1:546

John Taylor nibe yoen’ reb e tang ko hymn.

John Taylor ni yibi yoen’ reb e hymn ni mornga’agen Yesus, ni nge gapas nag gum’ircha’en e pi tafagar rok’. Rib fel’ lingan e biney e tang, me fith Hyrum ngak ni nge yoen’ biyay fare tang.

Gidii’en Got, 1:549

Gidii’ nib kireb nibe gay rogon ni ngar ranod ngalan fare kalbus.

Roffen nem ko balayal’ riy, me yib bugi mo’on ni yaed bsug ko damumuw ngalan fare kalbus. Mi yaed yib ngar aw gaed ko fare mab mi yaed tabab i pistor ngalan fare singgil nibay Joseph nge fapi tafagar rok’ riy. John Taylor e ke mad’ad ni rib gel. Hyrum nge Joseph e kan lii’ row.

Doctrine and Covenants 135:1–2; Gidii’en Got, 1:550–52

Gidii’en Got ni yaed be yoer nag Joseph nge Hyrum.

Kari kirbaen’ Gidii’en Got napan nra pire’egned nike yim’ Joseph nge Hyrum. Machane yaed manang ni fare Profet nikan lii’ e dabi talag e Galasia. Ya irreray e Galasia rok’ fare Tathepag, mara ul’ul’ nge powi’iy rogon. Fare Galasia era ul’ul’ mara tawa’ath nag pifak Got u dakean e nam ni ga’angin.

Gidii’en Got, 1:553–59