October 1838–February 1839

Mill ku Hawn

Reb bcham ni buch nge reb e ma’ang’ang

Willard Smith e 11 e duw rok’. Yaed ma par e tabinaew rok’ ko toffen e Mill ku Hawn, u Missouri, nib mu’un boech Gidii’en Got ngay. Yaed ba’adag ni ngar gak gaed fapi Gidii’en Got nga ta’abang ko gin nibay nib Palog ko Ngael.

Doctrine and Covenants 115:7–8; Gidii’en Got, 1:347–48

Rabo rran ngay, Willard e bay ko chitamangin nge fapi walagen ni pagal, Sardius nge Alma. Ra ggin gaed ngay, mi yaed rung’ag lingan e pistor nge toluul. Ke yib e gidii’ ni ngabi gafgow nag fapi Gidii’en Got.

Gidii’en Got, 1:348–49

Gubin e gidii’ nike miil ni nge mith ngabang nib machubgil. Bo’or e pumo’on nge bitir ni yaeni mith ngalan e kanttin. Chitamangin Willard nge fapi walalgen e ranog ngalan ngar mith gaed, machane Willard e dani yag ni uyn ngoraed. Ir e yaeni mith nga barba’ bugi l’uud. I rung’ag lingan e pistor u gubin yaeng u charen.

Gidii’en Got, 1:349, 353

Willard nibe miil ngani mith ngabang nge bang. Fin arram, fani tal lingan fapi pistor. Fapi gidii’ nike yib ko cham e kar chuw gaed u foffen e Mill ku Hawn.

Gidii’en Got, 1:353

Willard nike yib ngalan e kanttin nibe sap nag e tabinaew rok’. Chitamangin nge Sardius e kan lii’ row. Machane walagen Willard nib bitir Alma e kabay nib fos.

Gidii’en Got, 1:353

Alma e kan pistor nag kenggin. Ke mad’ad ni rib gel. Willard e yibi chubiy Alma ngabi fek ko tent ko tabinaew roraed.

Gidii’en Got, 1:353–54

Chitiningin Willard, Amanda, e dani nang rogon ni nge ayuweg kenggin Alma. Machane manang ni Got e manang rogon. Ere meybil, me rung’ag ba lam ko rogon e n’en nib tu’uf ni nge rrin’.

Gidii’en Got, 1:354

Amanda e luukuy e mad’ad rok’ Alma ko awat. Me mu’ maki pirdi’iy boech e lek’ngin e gak’iy nge tay ko fare mad’ad rok’. Me m’ag kenggin ko bangi maad. “Mu thig nga but’, ni damu gachgech,” ni yoeg, “ma Somoel e bayi ngongliy reb kenggnem.”

Gidii’en Got, 1:354–55

Taboch riy, ma yeog e aam nu Missouri ni nge chuw fapi Gidii’en Got ko fare binaew ni yaed bay riy ya fa’anra dangay ma yira lii’ raed. Kenggin Alma e dawri fos. Amanda e meybil nge fith ngak Somoel e ayuw. Ma yib bangi lam ngak ni Yesus e dabi digey e tabinaew rok’. Amanda e thamiy ni dariy ban’en nrayag ni nge gafgow nag.

Doctrine and Covenants 88:83; Gidii’en Got, 1:372, 378–79

Tomuren ni meybil, me rung’ag Amanda pifak ni yaed be toluul. Me miil ni ngani gay raed, ma napan ni pir’egraed, ma bay Alma nibe milmiil. “Ke fal’ rogog, Ne, Ke fal’ rogog!” nibe yoeg. Ke gol kenggin! Ba ma’ang’ang nike yib ku Got. Amanda nge pifak nra chuwgaed u Missouri ngar uned ngak fapi Gidii’en Got nga bang nib machubgil

Gidii’en Got, 1:379