April 1830

Fare Galasia ku Yesus Kristus Nikan Yarmiy Rogon

Ba mo’olung nib sug ko falfalaen’ ni tay e Galasia

Fare Babyor ku Mormon e kan mu’ i print nag, nge fare gelngin e priesthood rok’ Got nike sul biyay nga fayleng. Boech e angel nima afweg e thin u tharmiy e ke fulweg fare priesthood, ma Joseph Smith e Somoel e ke yoeg ngak Joseph Smith nike taw ko ngiyal’ riy ni ngan yarmiy fare Galasia ku Yesus Kristus.

Saints, 1:84

Napan e April 6, 1830, gonapan e 40 e bpin nge pumo’on ni yib ko tabinaew rok’ Whitmer ni nge yarmiy e Galasia. Somoel e ke mu’ i pinning Joseph nge Oliver ni ngar gagiyeg nigew e Galasia Rok’. Joseph nge Oliver era fithew ngak e gidii’ ni ngar tinninged pa’raed ngalang ni ngar daged ni ngar sustain niged row ni yow e fagli tiyugang’.

Doctrine and Covenants 20:1–3; Saints, 1:84

Bin migid ngay, Joseph nge Oliver era yibliyew fare sakrament. Mi yow pii’ ngak e gidii’ ni ngeyag ni nge pogoran ngoraed Yesus Kristus. Ma arram me tay Joseph nge Oliver pa’row nga dakean loelgen fapi gidii’ nikan tawfe nagraed. Mi yow micheg nagraed ni ngar manged e member ko Galasia mi yow pii’ ngroaed fare tawa’ath ko fare Kan ni Thothup.

Doctrine and Covenants 20:75–79; Saints, 1:85

Somoel e pii’ ngak Joseph ba mulwol nifan fare Galasia nib be’ech. Yoeg ngoraed ni ngar yoeliyed e pi n’en nibe buchbuch ulan e Galasia. Me yoeg ni Joseph Smith e ir e profet Rok’. Me micheg nag ngak fapi members ko Galasia ni fa’an yaedra fanow nag fapi motochiyel nike pii’ nga Joseph, mara tawa’ath nagraed. Ma fare mo’oniyan’ e dabiyag ni nge yib gelngin nga dakeanraed.

Doctrine and Covenants 21:1–6; Saints, 1:85

Fapi gidii’ e kari falfalaen’raed nike yag ngoraed fare Galasia ku Yesus Kristus! Tomuren fare mo’olung, ma bo’or e gidii’ ni un ko tawfe, nib mu’un e chitiningin nge chitamangin Joseph ngay. Napan ni yib e chitamangin u fithik’ e raen ngalang, me pi’ Joseph ba gumuchmuch ngak ni rib ga’. Me yoeg “Yag nug guy e chitamangig ni un ko tawfe ko ngiyal’ ni kugub fos ngalan e bin nib riyul’ e galasia rok’ Yesus Kristus!”

Saints, 1:86

Ta’aboech riy ko re nep nem, me yean Joseph ngalan e lloway ni yigo’ ir. Kari sug gum’ircha’en ko falfalaen’ ni rib gel. Ke gaman ragag e duw ngay napan e bin somm’on riy ni guy e Chitamangiy nu Tharmiy nge Yesus Kristus. Bo’or bugi ban’en nike buch ko tomuren e binem. Kari falfalaen’ Joseph ngay niyag ni un i sulweg yarmen, fa fulweg, fare Galasia rok’ Yesus Kristus!

Saints, 1:86