December 1832–March 1836

Fare Temple u Kirtland nikan Toey

Fare na’un nib special rok’ fare Somoel

Somoel nike yoeg ngak Joseph Smith ni’ir e ngiyal’ fapi Saint thingarda toeyed e na’un nib special u Kirtland. Na’un ney ir e temple, ginn’en ni Somoel nira mada’ ngak e gidii’ Rok’ nge fal’eg e pi micheg ngorad. Ir ra pii’ ngorad e tawa’ath nib thabi mangil ulan e temple Rok’. Tawa’ath ney ni kanoeg e endowment ko gelngin.

Doctrine and Covenants 88:119; 95:8; Saints, 1:205

Fapi Saint dar tabab e toey ko temple ni rib papay. Tomur bochi e pi pul, fare Somoel nike pug uran ngorad ni fare temple e baga’fan. Hyrum Smith nike mil nga na’un rorow e galibthir rok’ ni nge fek bochi pi talin ko muruwel. Napan e chitiningin ke fith ngak mang ir be rrin’, nike yoeg ngak ir ba’adag ni nge mang bin somm’on e cha’ ni ra muruwel’ udakaen e na’un rok’ Somoel.

Doctrine and Covenants 95:1–8

Fapi Saint be tabab e toeyed ko temple. Ba tolang pilwon ma rib alamrin e muruwel riy. Fapi chongin ko Galasia ni woed Sidney Rigdon ni kar pii’ed bo’or e salpiy nifan e toey ko temple. Yad be falfalaen’ ngay ni ngar fol e motochiyel rok’ Somoel nge thapeged fapi tawa’ath rok’ ulan e na’un Rok’.

Saints, 1:209–211

Napan nibe muruwel fapi Saint ni yaed be fal’ag fare temple, me m’ay e salpiy roraed. Sidney nge reb e pi tiyugang ko fare Galasia kar magaf an’um. Sidney ni ke meybil ngak Got nifan e ayuweg nem.

Saints, 1:210–11

Bay e chongin ko Galasia ni fithingan Caroline Tippets nge tabinaw rok’ ni kar thapeged bo’or e salpiy. Caroline ba’adag ni nge pii’ e salpiy rorad ni nge ayuweg e toey ko temple.

Saints, 1:211–13

Yo’or e pi Saint u Kirtland be muruwel nib gel ni ngar toeyed ko temple. Boch be drivenag e wagon nib sug ko malang nga temple ney. Ma boech e be ngongliy e maad nge ggan nifan ko tamuruwel. Pi bitir kar feked e thirik nike pil ere rayog ni ngar bangbaang binem nge tay udakaen e rungrung ko temple ni ra maatmaat ulan e yaal’.

Saints, 1:210, 219, 221

Dani n’uw napan ngay min mu’nag e toey ko fare temple! Fapi Saint me ba’adagdad ni ngar dared ulan e na’un rok’ Somoel ni ngar thapeged e pi tawa’ath nima micheg ngorad.

Saints, 1:221