Gidii’en e Tabinaew rok’ Joseph Smith

“Gidii’en e Tabinaew rok’ Joseph Smith,” Fapi Yat ko Doctrine and Covenants (2024)

“Gidii’en e Tabinaew rok’ Joseph Smith,” Fapi Yat ko Doctrine and Covenants

1805–1817

Gidii’en e Tabinaew rok’ Joseph Smith

Ba tabinaew ni bay e mich roraed

Joseph Smith nge gidii’ ko tabinaew rok’ ni yaed be muruwel ko milaey’ roraed.

Joseph Smith e ni gargeleg ko December 23, 1805, ko gin nibay u thilin e lel’och nge ngeak u Mariken. Fithingan e chitamangin e kureb e ngochol ni Joseph. Fithingan e chitiningin e Lucy. Bo’or pi walagem ni pumo’on nge bpin. Gidii’en e tabinaew rok’ Joseph e bugi gidii’en e ta wuldug. Bay e mich roraed ngak Got ma yaed ma t’ufeg raed nib fel’ rogon.

Joseph Smith—History 1:3–4

Joseph Smith napan e kab pagal. Bin ni gilay’ i ay nikan bichiy ko maad. Chitiningin e i rus nag mornga’agen.

Napan ni kab pagal Joseph, ma bay reb e m’ar rok’ nima yib nga tuguni ay. Ma yib e amith riy ngak ni rib alamrin. Gidii’en e tabinaew ku Joseph e yaed ma gay rogon ni ngar pii’ed e ayuw ngak, machane amith u tuguni ay e rib gel e amith riy. Bo’or e togta ni’i gay rogon ni nge pi’ e ayuw ngak, machane dariy reb niyag rok’ ni nge ayuweg.

Saints, 1:7

Joseph Smith ni bay u bet. Reb i walagen ni pagal nib garbug u barba’ e bet. Chitiningin ni bay u tomur nibe non ngak e togta.

Fapi togta e yaed be yoeg nib tu’uf ni ngan th’ab tuguni ay Joseph ni ngeyag ni dabi yim’. Chitiningin e dabi pagraed ni ngar rrin’ed e biney. Ke fith ko fa’anra bay reb e kanawo’ nib thil ni rayag ni nge ayuweg Joseph. Ere fapi togta e kar duugliyed ni ngar the’ebed bang ko yil’ u tuguni ay. Manang Joseph ni biney era amith ni rib alamrin, machane bay e mich rok’ ni Got e bay nira ayuweg.

Saints, 1:7

Fapi togta ku Joseph Smith era ogniged e alkuul ngak nifan tuguni ay nibay ni the’eb. Joseph e siyeg ni dabi thapeg. Bay e chitamangin nibe ayuweg nibe koel.

Fapi togta e riyaed ba’adag ni ngar pi’ed e alkuul ngak Joseph ni nge n’um ni nge gamig nag e amith rok’. Ma Joseph e yoeg e danga’. Kemus ni ba’adag ni chitamangin e nge ayuweg nibe koel.

Saints, 1:7

Chuw e chitiningin Joseph Smith ulan fare singgil ko ngiyal’ nibe fal’ag rogon fapi togta rograed ko fare taflay.

Joseph e fith ngak e chitiningin ni nge yean nga wean. Dabun ni nge guy e chitiningin gelngin e amith rok’ ko ngiyal’ ni bayi the’eb fapi togta tuguni ay.

Togta nibe the’eb tuguni ay Joseph Smith. Chitamangin e bay nibe ayuweg nibe koel.

Chitamangin Joseph nibe koel ko ngiyal’ nibe the’eb fapi togta fagin nib kireb ko yil’ u tuguni ay. Biney e rib gel e amith riy, machane Got e ayuweg Joseph nge pii’ ngelngin. Tomuren boech e duw ngay, me fel’ buchu’uw ay Joseph, machane kuma amith ko ngiyal’ nibe yean u butt’.

Saints, 1:6–7

Joseph Smith nge gidii’en e tabinaew rok’ u New York. Muruwel roraed e yaed ma m’ag mit e gak’iy ni nge yib loegwean nib athibthib.

Napan ni ilaal Joseph, me chuw e tabinaew rok’ ngar bad ngar pired u State New York. Gidii’en e tabinaew rok’ Joseph e riyaed ba gafgow. Yaed ma muruwel ni rib gel ni ngeyag e ggan ko tabinaew roraed. Josesph e reb e pagal nib fel’. Fel’ e tafney rok’ ma ba’adag nima minmin ma riba’adag e gosgos.

Saints, 1:5–9

Tabinaew rok’ Joseph Smith ni yaed be sabol nga ta’abang u fithik’ e gapas ko ngiyal’ ne abich ko blayaal’.

Gidii’en e tabinaew rok’ Joseph e rib t’uf Yesus Kristus roraed. Yaed ma meybil ma yaed ma be’eg fare Bible u ta’abang. Machane galibithir rok’ Joseph e marwar u wun’row ko bin ngan e galasia e ngar uned ngay. Reb e nap ngay, chitiningin Joseph, i Lucy, e meybil me yoeg ngak Got ni riba’adag ni nge pire’eg e Galasia rok’ Yesus Kristus nib riyul’. Got e fulweg taban e meybil rok’ me micheg ngak nira thapeg.

Saints, 1:10–11