Nchuw u Nauvoo min Yaen nga Ngael

Gidii’en Got nra ngongliyed ma kiyaed ayuweg fapi michmicheg roraed ngak Somoel

Brigham Young ni gagiyeg me mu’ nag i toey fare Temple u Nauvoo.

Biney e ngiyal’ e ke yim’ Joseph Smith. Brigham Young nge boech fapi Apostle era powi’iyed e Galasia. Manang Brigham ni fapi Gidii’en Got e dabi fel’ e par roraed u Nauvoo. Rib tu’uf ni ngar chuwgaed. Machane somm’on riy, ba’adag Somoel ni ngar mu’ niged i toey fare temple. Ba’adag ni ngar ngongliyed e m’ag Ngak mi yaed seal nag e tabinaew roraed nga ta’abang.

Gidii’en Got, 1:571, 579–80

Brigham nibe ayuweg fapi Gidii’en Got ngar thapeged fapi tawa’ath u temple.

In e pul nga tomurren, min mu’nag fare temple mrayag ni ngan ngongli fapi m’ag ulanggin. Pire’ e Gidii’ ku Got ni yib ko fare temple. Brigham e par nib n’uw e nep ulan fare temple nibe ayuweg e gidii’ ngar ngongliyed e m’ag ngak Somoel. Fin arram, me yoeg Brigham ngak e gidii’ ni gubin nib tu’uf ni ngar chuw gaed u Nauvoo.

Gidii’en Got, 1:582

Brigham ni yoeg ngak fapi Gidii’en Got ni ngar chuw gaed u Nauvoo.

Napan ni od Brigham ko bin kadbul riy, maki yib boech Gidii’en Got ni yaed bay ko fare temple ni yaed be soen. Me yoeg Brigham ngoraed ni danki machubgil ni ngar pired u Nauvoo. Mab tu’uf ni ngar gayed e tabinaew nibay ko Ngael. Me micheg nag ngoraed ni rayag ni ngar toyed reb e temple napan ni bayra taw gaed ngaram.

Gidii’en Got, 1:582–83; 2:13–14

Fapi Gidii’en Got era wenig niged ngak Brigham ni ngar thapeged fapi tawa’ath ko temple.

Ma fapi Gidii’en Got e dan rchuwgaed. Ri yaed ba’adag ni ngar ngongliyed fapi m’ag ngak Somoel u mm’on ni ngar tabab niged e milekag roraed ko reb e tabinaew nib be’ech.

Gidii’en Got, 1:583

Brigham e ul’ul’ nge ayuweg fapi Gidii’en Got ngar thapeged fapi tawa’ath u temple.

Guy Brigham owchraed me thilyeg e tafney rok’. Me ul’ul’ e roffen nem nge bin migid e rran ngay nibe ayuweg fapi Gidii’en Got ngar ngongliyed fapi m’ag ulan e temple.

Gidii’en Got, 1:583

Fapi Gidii’en Got nra chuwraed u Nauvoo mi yaed tabab nag e milekag roraed ko ngael.

Chiney nike mu’ fapi Gidii’en Got i ngongliy e m’ag ngak Somoel, aram e ke taw ko ngiyal’ riy ni ngar chuw gaed u Nauvoo. Manang Brigham nike tay Somoel bang nifan ngoraed. Ke guy ko tin nikan thogthog nag ngak. Ra tabab gaed ko milekag roraed. Rib gel e gerbeb ko yafang, ma but’ e rib barbar. Bo’or e gidii’ ni yibi m’ar. Ma dakuriy e ggan roraed.

Gidii’en Got, 2:16–18, 20–21

Brigham nge boech e gidii’ ni yaed be par ko camp nibe aw e snow riy.

Ri kab n’uw yang e gin ni nge milekag fapi Gidii’en Got riy. Tafney nag Brigham ko uw rogon ni ngar milekag gaed ko biney ni rib n’uw yang. Me meybil nge fith e ayuw ngak Got.

Gidii’en Got, 2:46

Fapi Gidii’en Got ni yaed be ayuwegraed ko fare Winter Quarters.

Me pi’ Somoel e thogthog ngak Brigham. Me fanow nag Brigham ko rogon ni nge powi’iy fapi Gidii’ rok’ Got. Me yoeg nrayag ni ngar ayuweged raed ngar ayuweged e pi’in nib gafgow.

Doctrine and Covenants 136:1–8

Gidii’en Got ni ki yaed be ul’ul’ ko milekag roraed i yib ko ngael ko napan e spring.

Me yoeg Somoel ngak fapi Gidii’en Got ni nga’i par u wun’raed fapi m’ag nikar ngongliyed Ngak. Ya fa’an yaedra rrin’, mara tawa’ath nagraed me ayuwegraed ko milekag roraed.

Doctrine and Covenants 136:4, 11, 42; Gidii’en Got, 2:47

Reb e tabinaew ni yaed ba ragbug u charen e low ko yam’.

Fare milekag e ri kab gel e momaw’ riy. Boch e gidii’ e yim’ riy. Machane bachan fapi m’ag roraed u temple, fapi Gidii’en Got e yaed manang ni yaedra guy gidii’en e tabinaew roraed biyay.

WIlford Woodruff nge Brigham Young nra bow ngar towgow ngalan e Valley u Salt Lake.

In e puul nga tomuren, fani yibi taw e tin ni somm’on e ulung ko fapi Gidii’en Got ngalan fare Valley u Salt Lake ko 1847. Napan ni guy Brigham Young lan fare Valley, me ga’ar “Iraray e ra gin’en.” Ri ta’ab rogon ko farengi n’en ni guy nikan thogthog nag ngak. Irerray e gin nrayag ni nge par fapi Gidii’en Got riy nib machubgil. Uroy e gin nrayag ni ngar liyoer gaed ngak Somoel riy ma rayag ni ngar rrin’ed e muruwel Rok’ u fithik’ e gapas.

Gidii’en Got, 2:17, 64–67

Temple nge Gidii’en Got nrib sug ni rib sug u dakean e fayleng.

Bo’or e duw nike thumur ngay, ni ke yo’or Gidii’en Got nibe yibi yib. Kar toeyed e temple ni bo’or ni bo’or, nrayag ni ngeyib e gidii’ ngay ngar ngongliyed e m’ag ngak Somoel. Ma kiyad be pi’ fapi tamachib nga dakean e fayleng ni nge machib nag fare gospel ku Yesus Kristus. Fare Galasia rok’ fare Tathapeg e kube ul’ul’ i yean, nibe tawa’ath nag pifak e Chitamangiy nu Tharmiy u gubin yang.