1838

Elijah Able

Mission ni bay e mich nge athamgil

Fare Somoel nike pinning e pumo’on ni fithingan Elijah Able ni nge mang e missionary. Elijah nike fil ngak Eunice nge Charles Franklin marunga’agen e gospel rok’ Yesus Kristus. Ke yoeg ngorow mornga’agen fare Babyor ku Mormon nge fare profet Joseph Smith. Eunice nge Charles i michaen’row e pi’nen nike fil nge ba’adagrow ni ngar unew fare Galasia. Elijah be tawfe nag ngorow.

Saints, 1:316

Elijah nike chuw ere rayog ni nge pii’ fare gospel u reb e binaw. Ta’areb e neap’,, bochi pul tomuren, ke thapeg e lik’ay marunga’agen e figar rok’ ni Eunice. Ulan e lik’ay, Eunice dabi nang fa’an be riyul’ ko fare Babyor ku Mormon fa Joseph Smith ir e profet. Napan nike od Elijah, nike sul nib papay ngak Eunice.

Doctrine and Covenants 75:27; Saints, 1:315–16

Ka ni ginaeng Eunice napan ni guy Elijah u maab rok’! Be riyul’ e lik’ay rok’ Elijah: Eunice demich u wun’en fare Babyor ku Mormon fa Joseph Smith.

Saints, 1:317

Elijah nike fith ngak Eunice ni nge motoyil e machib rok’ ulan e skuul. Napan nike rungan e thin rok’ Elijah, nike thamey fare Kan ni Thothup bayay. Irma nang ni ba riyul e gospel!

Saints, 1:317

Ke micheg Elijah ngak Eunice ni ra sul u la’agruw e wiik nge machib bayay. Machane boch e gidii’ ulan e binaw nem dabun ni nge sul bayay. Tomur nike chuw Elijah, kar non ngak gubin e gidii’ ni Elijah ke fek e pogofan rok’ bochi gidii’. Kar weliy ni ra pii’ bochi salpiy ngak e bee’ nira pir’egen.

Saints, 1:318

Eunice nike nang e gidii’ me baen marunga’agen Elijah. De fek e pogofan ngak e bee’. I’ir rib fel’ e pumo’on nge tapigpig rok’ Got. Ir manang fapi baen rorad dabi tal’ e sul rok’ Elijah. Eunice nike yoeg e gidii’ nira sul Elijah. “Got nira ayuwegen,” nike yoeg.

Saints, 1:318

Elijah nike sul. Ke sul nga ta’abrogon e skull ginn’em ni ke machib kafram. Be sug ko pi’in ni ba’adagrad ni ngar feken nga kalbus. Elijah be sak’iy nga p’oewchrad e gidii’. Nike yoeg fa’an yad ba’adag ni ngar feken nga kalbus, thingarda rrin’ed chiney, umon ni nge tabab a machib rok’. Fa’an dabda rrin’ed, me paged nge machib nag.

Saints, 1:318

Dabda piloe’. Ke soen Elijah, machane e gidii’ dabda yoeged e pi’nen. Elijah nike yon’ e hymn, nike meybil, nge nike machib nag e gospel rok’ Yesus Kristus. Bay e gelngin Got ngak. Tomuren nike taleg e machib rok’, nike non ngak e pi fagar rok’ Eunice nge Charles nge ne yul’yul’ e mission rok’ ufithik’ e gapas.

Saints, 1:319