February 1833

Fare Word of Wisdom

Fare motochiyel ku Somoel nifan e dowef

Joseph Smith nike pinning bochi pi mo’on ko Galasia ni ngar mu’ulung gad ngak nga seengil ulanelane e kaentiiin rorow Newel nge Ann Whitney. Aram ni kar filed e gospel nge reb e pi’nen, nge ni kar meybi gad uta’abong. Mar tunguyed fithingan e re mu’ulung ney ni Sukuul nifan e pi Profet.

Doctrine and Covenants 88:117–137; Saints, 1:166

Bo’or e mo’on ney ni kar thoey nge lingan e tamaagow napan e pi fil ney. Fare ath be kirebnag e nifeng, nge fare tamaagow be kirebnag e faraf. Tomur e mu’ulung, Emma nike yaen nga lang ni nge be’ech nag e seengil. Ni rib alit!

Saints, 1:167

Emma nike guy rogon ni nge bi’ech nag e faraf, machane e ra’en ko tamaagow be chuw. Nike non ngak Joseph marunga’age e alit.

Saints, 1:167

Joseph nike motoyil ngak Emma. Bachane nike rung’an ngak nike lemnag urogon be thamey fare Somoel marunga’agen e tamaagow.

Saints, 1:167

Ere Joseph nike fith ngak Somoel marunga’agen e tamaagow. Fare Somoel nike non ngak Joseph ni bay e Thin ko Gonop nifan e fapi Saint.

Doctrine and Covenants 89:1–9; Saints, 1:167

Somoel nike yoeg fapi Saint ni dabi thoey e tamaagow, lingan e tamaagow, fa unum e alcohol fa “raen nib guwael,” ni ba yipfan e koofiy nge tiy.

Doctrine and Covenants 89:1–9; Saints, 1:167

Somoel nike fil e pi Saint e pi grain nge wa’amngin be mangil ni ma kayed. Ma ke yoeg nib mangil ni gadad ma kayed e ufin bochi ngiyal’.

Doctrine and Covenants 89:10–17; Saints, 1:168

Somoel nike non ngak Joseph ni fapi Saint nira folgad e Thin ko Gonop nira thapeged e matangiy. Fare Somoel nike micheg ni nge yibliy nag rad ko mangil e dowen, ganop, nge gelngin e dowen. Joseph nike non ngak e fapi mo’on ulan e Sukuul nifan e pi Profet marunga’agen e Thin ko Gonop rok’ Somoel.

Doctrine and Covenants 89:18–21; Saints, 1:168

Gali mo’on ulan e seengil ney ni kar chuwgad e tamaagow nge pi pipe roraed ulan e nifiy ni ngar daged e ba’adag roraed ni ngar folgad e Thin ko Gonop rok’ Somoel.

Saints, 1:168