Reb e Rran nifan e Gol Nigey

Gol nag e pi’in nib m’ar ufithik’ e gelngin Got

Napan Joseph Smith nge reb e pi tiyugang ko Galasia kar kalbus roraed u Missouri, boch i pi matanag kar fek rad nga reb e kalbus. Pi matanag kar manged nib fel’ rogon ngak e pi’in u kalbus. Ta’areb e blayal’, e matanag nib ilal’ ni ke weliy ngak Joseph ir ra mol, nge fa’an Joseph nge pi fagar rok’ ni ra chuwgad, de tal’ ngorad.

Saints, 1:392–93

Joseph nge reb e pi tiyugang ko fare Galasia kar chuwgad. Kar pir’eged e pi tabinaw rorad ni yad be pared ulan e binaw kanoeg Quincy.

Saints, 1:395–96

Gidii’ nibe pii’ e gaan nge tafen ko mol ngak e fapi Saint.

Pi gidii’ u Quincy ni yad be manged nib fel’ rogon ngak fapi Saint. Kar pii’ed e gaan nge maad nge tafen ko mol ngak fapi Saint.

Saints, 1:377

Fapi Saint ni yad ba’adag e ayuw rorad e pi’in u Quincy. Machane Joseph ni manag yad ba t’ufe binaw rorad. Fapi tiyugang ko Galasia kar chuwi’iy bochi binew e gidii’ ni dabun, nge pi Saint kar yaen aram.

Saints, 1:399–400

Ta’ e bpin ni be ayuweg reb e bpin ni bay e m’ar nib malaria.

Binaw nem e chuchgur ko e lul’ nib ga’. Binaw nem nib tagarda’, nib tabarbaer nge be sug ko neeng. Fapi neeng ney ke pii’ e m’ar ngak bo’or e pi Saint ko m’ar niba kanoeg malaria. Boch i gidii’ kar maed.

Saints, 1:402

Joseph Smith nge Wilford Woodruff be yibliy nag e pagal nibe ka’ m’ar udakaen’ e priesthood.

Napan Joseph nike sap bay bo’or e gidii’ ka’ m’ar, nike kunuy boch i pi tiyugang ko fare Galasia nge fith ngorad ni ngar un’ed ngak. Urngin e kakadbul, kar ranoed ko tabinaw nga tabinaw, ni kar mada’ gad ngak e gidii’ nge yibliy nag rad. Kar gol nag e pi’in udakaen gelngin rok Yesus Kristus.

Saints, 1:402

Ta’ e bee’ ni kar yib ngak’ ir Elijah Fordham. Ke fek e m’ar nib gel, ere e le’engin ke lemnag ir ra yim’ de n’ew napan. Joseph ke fith ngak Elijah fa’an bay e mich rok’ ni nge gol nag.

Saints, 1:402

Elijah be yoeg ngak Joseph bay e mich rok’ ni nge gol nag.

Ke yoeg Elijah, “Soro’ ke yean e ngiyal’ rayog ni nggu gol nag.” Joseph ke fith ngak Elijah fa’an bay e mich rok’ ulan e Yesus Kristus. “Ba, Walageg Joseph,” ke fulweg.

Saints, 1:402

Elijah be sakiy ngalang tomuren nike thapeg e yibliy rok’ fare priesthood.

Joseph nike yibliy nag ngak’ u dakean fithingan Yesus Kristus. Elijah nike sakiy ngalang. Yesus nike golnag en! Elijah nike un ngak Joseph nga reb e na’un nge ayuwegen ni nge yibliy nag reb e pi’in ka’ m’ar.

Saints, 1:402–3